Ameriketako Estatu Batuak

Indiak eta Brasilek, BRICS nazioarteko erakundeko kideek (Errusia ere horien artean dago), ez dute lortu Trumpekin akordiorik. Kanadak ere zail ikus lezake negoziazioa, bereziki Palestinako Estatua ofizialki aitortuko duela iragarri ostean.

Errusiak bertan behera utzi du tsunami alerta, eta Erdialdeko Amerikan eta Hego Amerikan erne jarraitzen dute, nahiz eta kasu gehienetan alarmak kendu dituzten.

Imanol Pradales lehendakaria Boisera iritsi da 2025eko Jaialdian parte hartzeko, euskal diasporak Euskaditik kanpo egiten duen topaketarik handienean, alegia. Jaialdiaren antolatzaileen batzordeak harrera egin dio,eta aurresku batekin hasi da lehendakariaren agenda bete-betea, kultur, erakunde eta komunitate ekitaldiez betetako aste bati hasiera emanez.

Gaurkoan albiste izango direnen laburpena, bi hitzetan.

Errusiako Kamtxatka eskualdean izan den 8,8 graduko lur-astinduaren ondoren ezarri dituzte alertak. Orduek aurrera egin ahala, baina, batzuk-batzuk indargabetu dituzte.  

Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.

Gutxienez lau pertsona hil dira eta lagun bat zauritu da New Yorkeko Manhattan auzoan izandako tiroketa batean. Hildakoen artean tiroketaren egilea ere badago. Gertaera 18:00ak aldera izan da, Midtown inguruko etxe orratz batean.

Gaurkoan albiste izango direnen laburpena, bi hitzetan.

Imanol Pradales lehendakaria izango da Eusko Jaurlaritzaren ordezkaritzaren buru. Bestalde, EH Bilduren ordezkaritza Jon Iñarritu Kongresuko diputatuak eta Edurne Benito del Valle Eusko legebiltzarkideak osatuko dute.

Gasteizko Gobenuak nahiko lukeen akordioa ez bada ere, Mikel Torres Ekonomia sailburuak onartu du itunak nolabaiteko ziurtasuna dakarrela.

Confebasken ekonomia arduradun Pablo Martinen ustez, Europar Batasunak  eta Estatu Batuek lortu duten muga-zergen gaineko akordioa "albiste txarra" da, "euskal enpresek lehiatzeko zailtasunak" izango omen dituztelako. Alde positibo bakarra ikusten du: "Hilabete luzeko zalantzaldiaren ondoren, badakigu zer dugun". Hala ere, aurreratu du eragin nabarmena izango duela "euskal industrian garrantzitsuak diren sektoreetan, hala nola altzairugintzan, automobilgintzan, eta makina-erreminta, mahastizaintza eta ardogintzaren sektoreetan".

Egitarau bete-betearekin dator bueltan Boiseko Jaialdiaren zortzigarren edizioa, eta uztailaren 29tik abuztuaren 3ra euskal musikak, gastronomiak, dantzak eta herri kirolek hartuko dute hiria. 

Municheko aireportuan zela, haren izena megafonia bidez esan, eta arrazoi zehatzik eman gabe, jakinarazi zioten ezin izango zela Ameriketako Estatu Batuetara sartu. Bidaia egin ahal izateko, Urtzi Gartziak duela hilabete atera zuen bisa, inongo arazorik gabe. 

Eusko Jaurlaritzaren aburuz, akordioa "gazi-gozoa" da, Euskadiko esportazio-enpresei 350 milioi euroko gainkostua ekarriko baitie. Europako burtsak % 1 inguruko igoerarekin esnatu dira. 

Gaurkoan albiste izango direnen laburpena, bi hitzetan.

Hasieran iragarritako % 30eko muga-zergak % 15era jaitsi ditu Trumpek eta onartu egin ditu Europak. EB-ak AEBri erosten dion energia kopura eta inbertsio militarrak nabarmen igotzeko konpromisoa hartu du. Bi agintariak euren taldeekin bildu dira Trumpek Turnberryn, Eskoziako mendebaldean, duen golf gunean.

Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak EITBri adierazi dionez, akordioak alderdi positiboak nahiz negatiboak ditu. Haren ustez, "hobe da akordioa lortzea, gerra komertziala izatea baino". Halaber, automobilgintzaren gaineko muga-zergak % 25etik % 15era murriztea positiboa dela iritzi dio, bai eta, oro har, ziurgabetasun garaiari amaiera ematea ere. Alderdi negatiboen artean, Euskadi herri esportatzailea den heinean, muga-zergak egote hutsak dakarren kaltea nabarmendu du sailburua. Era berean, deitoratu egin du altzairuaren eta aluminioaren gainean % 50eko muga-zergak mantentzea.

Trumpek Turnberryn duen golf zelaietan batzartu dira Europako Batzordeko presidentea eta AEBko presidentea. Von der Leyenekin batera, Marode Šefde Europako Merkataritza komisarioa, Sabine Weyand zuzendari nagusia eta Tomas Baert aholkularia izan dira. 

Gainera, bileran bi buruzagiek "merkataritza harremanak eta horiek indartzeko moduak" eztabaidatuko dituztela azaldu du Europako Batzordeak.

Ostiral gauetik eskozian da Trump. Bost egunez izango da bertan, eta Turnberryko bere golf zelaietan jolasten aritu da larunbatean.  Keir Starmer eta Ursula Von der Leyenekin bilduko da egunotan AEBko presidentea. Bitartean, baina, euren haserrea eta desadostasuna agertu dute ehunka eskoziarrek Edinburgoko eta Aberdeeneko kaleetan; Palestinaren aldeko eta etorkinen aldeko afixak zituzten eskutan horietako askok.