Bilbo
2025/05/18 - 14:20
Gizon bat atxilotu dute Bilbon zenbait pertsonak lo egiteko erabiltzen zuten pabiloi bati su emateagatik
Dirudienez, atxilotuak ere bertan egiten zuen lo, eta beste batekin eztabaidatu ostean piztu zuen sua.
2025/05/17 - 23:53
Bilboko Kale Nagusia hartu dute euskarak eta musikak, Gorka Urbizurekin
Euskaraldiarekin bat eginez, doako kontzertuak eta hitzaldiak antolatu ditu BBK Aretoak egunotarako. Larunbat arratsaldean, Gorka Urbizu izan da bere taldearekin batera Bilboko Kale Nagusia kantuan jarri duena.
2025/05/17 - 21:58
''Otello'' operak itxiko du ABAO Bilbaoren denboraldia
ABAO Bilbaok "Otello" Giuseppe Verdiren opera taularatu du 73. denboraldia ixteko, Euskaldunan, Bilbon. ETB2k eta eitb.eus-ek zuzenean eskaini dute emankizuna.
2025/05/17 - 08:00
''Otello'' operaz gozatzeko gida
Gaur, maiatzak 17, estreinatuko du Opera Lagunen Bilboko Elkarteak Verdiren opera, eta hilaren 20, 23 eta 26an ere emango dute. Lehenengo emanaldia eitb.eus-en eta ETB2n jarraitu ahalko da zuzenean, 19:00etatik aurrera.
2025/05/16 - 18:45
Tottenhameko eta Manchester Unitedeko zaleentzako guneak prestatzen hasi dira
Londresko Tottenham taldeko jarraitzaileen bilgunea Ametzolan egongo da; Manchester United taldekoena, aldiz, Etxebarria parkean.
2025/05/16 - 14:34
Bizkaiko ostalariek uste dute Bilboko hotelen prezioen inguruko polemika "artifiziala" dela
Hector Sanchez Bizkaiko Ostalaritza Elkarteko gerentearen arabera, "gela baten edo biren kostuaz gain, interesgarriena guztiaren batez besteko prezioa ikustea da"; izan ere, Bizkaiko hiriburuko lau izarreko hotel batek 400 euro inguruko prezioa duela azpimarratu du.
2025/05/16 - 13:51
Europa Ligako finalerako hotelak 20 bider garestiago daude Bilbon eta hegaldiak 1.000-2.000 euroan
Pertsona bakar batentzako logelarik merkeena 864 euroan topatu dugu; astebete barru, 62 euro balioko du. Bada futbol hitzordurako bakarrik alokatzen duenik, eta 1.224 euroko prezioa jarri dio. Erresuma Batutik Bilbora etortzeko hegaldietan ere ez dago pagotxarik, eta askotan 'overbooking' dago.
2025/05/16 - 13:28
Bilboko aireportuan taxi-zerbitzua indartuko dute Europa Leagueko finala dela eta
Salbuespen gisa, Bilbo ez den beste udalerri batzuetan lizentzia duten taxiek Loiun jaso ahal izango dituzte bidaiariak asteartean, 19:00etatik aireportua itxi arte.
2025/05/16 - 10:59
Trafiko gorabeherak hasi dira Bilbon, UEFA Europa Leagueko finala dela eta
Gaurtik aurrera, Trenbide etorbidearen zati bat okupatuta dago Ametzolan, Tottenhameko zaleak bilduko dituen gunea muntatzen ari diren lekuan. Datozen egunetan, trabak areagotuko dira hiriko hainbat gunetan.
2025/05/15 - 19:26
Ertzaintzak argi du 2021ean Bilbon hilda agertu zen gizona erail egin zutela
Hilketa hau eta beste lau gizon hiltzea egotzi dioten gizonaren kontrako lehen epaiketaren bigarren saioa egin dute ostegun honetan Bizkaiko epaitegietan. Lekukoek, Ertzaintzako agenteek eta biktimaren nahiz akusatuaren lagunek deklaratu dute gaurko saioan.
2025/05/15 - 17:06
Finalak eragindako prezioen igoera kritikatu du Arrizabalagak: "Gizarteari ez dio batere mesederik egiten"
Bilboko Udalak herritarrei eskatu die egonarriz hartu ditzaten datozen egunetako mugikortasun mugak.
2025/05/15 - 14:47
Nelson Daviden aurkako epaiketan, gertatutakoa hilketa izan zela nabarmendu du ikerketaren buruak
Ustezko hilketaren ikerketa eraman zuten zazpi ertzainek deklaratu dute gaur epaiketan. Ertzainburuak argi eta garbi esan du gertatutakoa hilketa izan zela.
2025/05/15 - 12:03
''Akusatuak erabaki du egia ez diren argudioekin defendatzea bere burua''
Nelson David Morenok, bost gizon hiltzea egozten dioten akusatuak, ukatu egin du epaitzen ari diren kasuko biktima hil zuenik. Epaiketako lehen saioan, ukatu egin du homizidio edo hilketa delitua, baina aitortu du biktimari lapurreta egin ziola.
2025/05/15 - 10:46
San Mamesko segurtasun eremuaren barruan dauden tabernak eta dendak zabalik egongo dira finalaren egunean
Bilboko estadioan jokatutako Europako azken hiru partidetan ez bezala, inguruko tabernek eta saltokiek ateak zabalik izan ahalko dituzte maiatzaren 21ean.
2025/05/14 - 22:45
Honelakoa da Europa Ligako finalerako UEFAk antolatutako 'fan zone' neutrala
Sarrera doakoa izango da eremua bete arte izango da sartzeko aukera. Zabalik egongo da asteartean, 11:00etatik 22:00etara, eta asteazkenean, partidaren egunean, 11:00etatik 18:00etara. UEFA Europa Leagueko garaikur ofiziala hurbiletik ikusi eta argazkiak ateratzeko aukera izango da bertan.
2025/05/14 - 19:24
Bilboko hilketen ustezko egileak ukatu egin du lehen krimena
Akusatuak aitortu egin du iruzurrak eta lapurretak egin izan dituela, baina talde antolatu batek "erabili" izan duela argudiatu du: "Inozoa izan naiz, tranpan erori egin naiz".
2025/05/14 - 19:20
Hauxe da Manchester Uniteden eta Tottenhamen jarraitzaileek Bilbon zehar egin beharko duten ibilbidea
Tottenhameko zaleen bilgunea Amezolan egongo da, eta Etxebarria Parkean, Manchester Unitedeko jarraitzaileen kasuan.
2025/05/14 - 11:45
Bilbon eraildako gizonen ustezko hiltzailearen kasuaren epaiketa hasi da
Akusazioak eta defentsak zehaztuta dituzte estrategia prozesalak. Defentsak frogak falta direla dio, eta akusazioak onartzen du ez dagoela lekukorik ez autopsia erabakigarririk, baina bai errudun dela ebazteko adina zantzu.
2025/05/14 - 09:49
Albiste izango dira: Bilboko ustezko hiltzailearen epaiketa, Pepe Mujicaren heriotza eta CEBEK
Gaurkoan albiste izango direnen laburpena, bi hitzetan.
2025/05/13 - 22:28
Bilboko gizonen ustezko hiltzailearen kasua epaituko dute asteazken honetatik aurrera
Akusazio partikularrak 39 urteko kartzela-zigorra eskatzen du, eta Fiskaltzak 16 urte eta hiru hilabeteko espetxealdia. Defentsak, ostera, absoluzioa eskatuko du.