Brasil
2025/05/23 - 22:22
Sebastiao Salgado brasildarra, fotokazetaritzaren nazioarteko erreferentea, 81 urterekin zendu da
Minas Gerais estatuan jaio zen 1944an, eta mundu osoan egin zen ezagun, gatazkak eta gizateriaren drama nagusietako batzuk zuri-beltzean islatzen zituelako bere argazkietan.
2025/05/15 - 22:59
Lula da Silvak eta Gabriel Boricek agur esan diote Pepe Mujicari
Uruguaiko presidente ohiari agur esatera Montevideora joan diren bi estatuburu bakarrak dira. Biek maitasunez agurtu dute Mujicaren alarguna, Lucia Topolansky. Bitartean, milaka herritarrek ilaran jarraitzen dute hil-kaperara sartzeko.
2025/05/01 - 23:13
Inah Canabarro Lucas moja brasildarra hil da, munduko pertsonarik zaharrena 116 urterekin
116 urte zituen eta Ahizpa Teresiarren kongregazioko egoitza batean bizi zen. Canabarro 1908ko ekainaren 8an jaio zen, Lehen Mundu Gerraren aurretik. 2018an, 110 urterekin, Frantzisko aita santuaren bedeinkapena jaso zuen.
2025/03/26 - 21:44
Jair Bolsonaro ultraeskuindarra eta haren zazpi aliatu inputatu dituzte, estatu-kolpe saiakera egotzita
34 akusatuko zerrendan dira guztiak, hainbat delitu egiteagatik. Brasilgo presidente ohiari 40 urte arteko kartzela-zigorra ezarri diezaiokete.
2025/03/03 - 10:18
Hasi dira Rio de Janeiroko Inauteriak, Brasilgo ikuskizunik handiena
Sanbodromoan, sanba eskola nagusien desfileak hasi dira. Zortzi milioi lagun inguru izango dira egunotan hirian, bertakoak eta kanpotik joandakoak. Festa erraldoiak Brasilgo ekonomiarako 1.000 milioi dolarretik gorako diru-sarrera dakar.
2025/02/24 - 09:10
Inauteriei ekin baino lehen, sambodromoa bedeinkatu dute Rio de Janeiron
Berez, ostiralean lehertuko da festa, baina hori baino lehen, Oxala jainkoari bedeinkapena egiten dute, aratuste baketsuak eskatzeko.
2025/02/16 - 10:37
Amazoniako tribu isolatu bateko indigena bat herri batean agertu da eta topaketa laburra izan du bertakoekin
Bela Rosan gertatu da, Amazoniako hego-mendebaldeko komunitate batean. Gaztea oinutsik agertu da, itxuraz lasai eta egoera onean, eskuetan bi enbor zeramatzala, eta su eske zebilen, bertakoen arabera. 24 ordu baino gutxiago igaro aurretik, bere herrira itzuli da.
2025/02/11 - 18:30
AEBk eta Erresuma Batuak ez dute sinatu adimen artifizialari buruzko Parisko goi-bileraren adierazpena
Teknologia horren aplikazioa irekia eta etikoa izatea eskatzen du adierazpenak. Guztira 60 estatuk eta estatuz gaindiko erakundek egin dute bat adierazpenarekin. Sinatzaileen artean daude Europar Batasunaren 27 estatuak, Txina, India, Japonia, Australia, Kanada, Brasil, Txile eta Vatikanoa.
2025/02/05 - 18:46
"Deserriratze oro erabat debekatuta" dagoela gogorarazi dio NBEk Trumpi
Nazioarteak, Israelek izan ezik, ia aho batez errefusatu du AEBko presidenteak Gaza "kontrolpean hartzeko" eta berreraikitzeko duen ideia, "Ekialde Ertaineko Riviera" berria bihurtuz.
2025/01/01 - 10:30
Horrela egin diote ongietorria 2025ari munduko hainbat herrialdetan
Erresuma Batua, Frantzia, Alemania, Grezia, AEB, Siria, Arabiar Emirerri Batuak, Ipar Korea edo Brasil. Planetako hainbat herrialdetan 2024ari agur esan eta 2025ean nola sartu diren ikusteko ibilaldia egin dugu. Hemen irudirik onenak.
2024/12/21 - 21:45
Gutxienez 37 lagun hil dira Brasilen autobus baten eta kamioi baten artean izandako istripuan
Kamioi batek atoian zeraman granitozko bloke handi bat galdu du, albotik igarotzen ari zen autobusa jo du, eta bidetik aterarazi ostean, autobusak su hartu du; ondorioz, bertan zihoazen bidaiarietako batzuk hil dira.
2024/12/21 - 21:32
Gutxienez 37 pertsona hil dira Brasilen, hainbat ibilgailuk izandako istripuan
Kamioi batek granitozko bloke handi bat galdu du, eta autobus bat jo du, kontrola galaraziz. Autobusak su hartu du. Kalkuluen arabera, 45 pertsona zihoazen bertan. Bizirik atera diren 13 pertsona osasun-zentroetara eraman dituzte.
2024/11/18 - 10:25
Gerrei eta aberats handien zergei buruzko jarrerak oso zatituta dituztela bilduko dira G20ko kideak Brasilen
Gaur eta bihar, besteak beste, pobreziari eta goseari aurre egiteko mundu mailako aliantza bat adostea espero dute goi mandatariek. Klima larrialdia mahai gainean izango duten gaietako bat izango den arren, ez da uste aurrerapausorik egotea zentzu horretan.
2024/11/14 - 11:01
Gutxienez pertsona bat hil da Brasilgo Auzitegi Gorenaren inguruetan izandako leherketetan
Brasilgo agintarien arabera, bi leherketa horiek ikertzen ari dira, lehergailuak zeramatzan gizon baten gorpua aurkitu eta gero. Lehergailua eztandarazi aurretik, eraikinean sartzen saiatu zen, eta litekeena da atentatu suizida bat izatea.
2024/11/12 - 12:46
Sanchezek Valentziako tragedia eraman du COP29 goi-bilerara: "Klima-aldaketak hil egiten du"
Goi-bileraren lehen jardunaldian, Brasilek 2035erako gas kutsagarrien isuriak "% 67" murrizteko helburua ezarri du, eta Kanadak iragarri du garapen bidean dauden 25 herrialdetan ekintza klimatikoko proiektuak finantzatzeko plataforma bat jarriko duela martxan.
2024/10/24 - 20:41
Putinek dio BRICS taldeko kide guztiek nahi dutela Ukrainako gerra "lehenbailehen" amaitzea
"Gatazka ahalik eta azkarren eta, ahal dela, modu baketsuan bukatzean zentratuta daude guztiak", azpimarratu du Errusiako presidenteak Kazan hirian egindako goi-bileraren amaieran.
2024/10/22 - 22:01
Buruzagien bilera informal bat eta aldebiko batzarrak, BRICS taldeko XVI. goi-bileraren hasieran
Goi-bileraren puntu nagusietako bat taldearekin bat egiteko estatuen kategoria berri bat sortzeko mekanismoen eztabaida izango da, baina horrek ez du esan nahi erakundearen bederatzi kideko zerrenda handituko denik.
2024/10/01 - 11:33
Brasilgo historian izandako lehorterik larrienak maila oso baxuetan utzi ditu Amazoniako ibaiak
Ibaien maila baxuak direla eta, Amazoniako komunitateak isolatuta geratu dira. Solimoes, Amazoniako handienetakoa, ez da sekula hain lehor egon. Hilabete falta da euri sasoia hasteko, beraz beldur dira Brasilen arazoa askoz gehiago larrituko ote den.
2024/08/31 - 14:58
Brasilgo Auzitegi Gorenak X sare soziala blokeatzeko agindua eman du
Herrialdean ordezkari legalik ez duelako hartu du neurria epaileak. Twitter zenari ia hiru milioi euro eskatzen dizkiote isunetan eduki batzuk ez ezabatzeagatik.
2024/08/16 - 12:44
Venezuelak errefusatu egin du Brasilek eta Kolonbiak hauteskundeak errepikatzeko egindako proposamena
Venezuelako presidenteak herrialdearen "subiranotasuna" aldarrikatu du, eta oposizioko liderrak uste du hauteskundeak errepikatzea errespetu falta litzatekeela venezuelarrentzat, "baldintza oso txarretan hitz egin zutelako, iruzurra egon zelako eta, hala ere, irabaztea lortu genuelako".