Eguneko Titularrak
2025/05/28 - 23:06
Akordiorik ez Presidenteen Biltzarra prestatzeko batzarrean, hiru ordu baino gehiago bilduta eman ondoren
PPk gobernatutako erkidegoak eta Espainiako Gobernuak ez dira gai izan gai-zerrenda eta formatua adosteko. Botoa emateko orduan, Popularrek gobernatutako erkidegoek duten gehiengoa baliatu dute, azkenean bileran zehaztutako gai-zerrenda atzera botatzeko.
2025/05/28 - 22:38
Babestutako espeziea izan arren, eolikoen mehatxupean bizi da arrano beltza
Euskadin dauden arrano beltz gehienak Araba hegoaldean bizi dira. Aste honetan, gure lurraldeko faunaren orekarako funtsezkoa den espezie honen bizimodua ikertzen ari dira Tuyo mendilerroan, Gasteiztik 20 kilometrora dagoen hegaztien paradisuan.
2025/05/28 - 22:18
Riyad Mansour Palestinak NBEn duen ordezkariak ezin izan die malkoei eutsi bere hitzaldian
Riyad Mansourrek ezin izan die malkoei eta amorruari eutsi New Yorkeko Nazio Batuen egoitzan egindako hitzaldian. "Nola jasan dezake norbaitek izugarrikeria hau?", esan du negar-zotinka.
2025/05/28 - 22:16
Trump "atsekabetuta" dago Putinekin, eta Errusiak proposatu du astelehenean negoziaktzen jarraitzea
AEBko presidenteak bi asteko epea eman du Errusiak benetan bakea nahi duen argitzeko. Zigor gehiago ezartzeari buruzko zalantzak agertu ditu.
2025/05/28 - 21:35
Israeli zigorrak eta arma-blokeoa ezartzeko eskatu dio Sanchezek Von der Leyeni
Espainiako Gobernuko presidentea kezkatuta agertu da palestinarrek bizi duten "hondamendi humanitarioa" dela eta, eta Israelen aurkako presioa areagotzeko zigorrak erabiltzearen garrantzia azpimarratu du, "legez kanpoko inbasioa geldi dezan".
2025/05/28 - 21:12
AEBk eta Israelek babestutako GHF fundazioak dio laguntza banaketak gorabeherarik gabe jarraitzen duela
Fundazioak jakitera eman duenez, "orain arte 14.550 elikagai kaxa inguru banatu dira. Kutxa bakoitzak 5,5 pertsona elikatzen ditu 3,5 egunez, hau da, 840.262 otordu banatu ditugu guztira".
2025/05/28 - 20:42
20 urteko kartzela-zigorra jarri diote Frantziako pederasta handienari, 299 biktimari sexu-erasoak egiteagatik
Bortxatzeagatik eta sexu-erasoak egiteagatik Frantzian ezartzen den zigorrik handiena jaso du Joël Le Scouarnec mediku ohiak. Hala ere, akusazio partikularrei “gutxi” iruditu zaie eta sei urteren buruan kartzelatik aterako den beldur dira.
2025/05/28 - 20:29
Washingtonek ezarritako bisen etenak EHUko 100 bat ikasleri eragin diezaieke
Noe Cornago EHUko Nazioartekotze zuzendariak aitortu du "harrituta" dagoela Trump Administrazioak hartutako erabakiaren "erradikaltasuna" dela eta, bisa luzatzeko abian ziren prozesuak ere gelditu egin direlako.
2025/05/28 - 20:22
Azkuna Zentroak hartuko du Chiharu Shiota artista japoniarrak Euskadin egiten duen lehen erakusketa
Chiharu Shiota artista japoniarrak "My House is your House" erakusketa monografikoa aurkeztu du Bilboko Azkuna Zentroan. Artilez eta oihalez egindako egitura gorri iragankorrekin bisitaria bere esperientzia pertsonalak partekatzera gonbidatzen du Shiotak.
2025/05/28 - 18:48
25 urteko gizon bat atxilotu dute Bilbon, emakume bati sexu-erasoa egitea egotzita
Ertzaintzak jakitera eman duenez, gaur izan da erasoa, Errekaldeko kiroldegiaren inguruan dagoen eremu ireki batean.
2025/05/28 - 18:41
Israelek ziurtatu du Mohammed Sinwar Hamasen buruzuagia bonbardaketa batean hil egin dutela
Tel Aviven arabera, Mohammed Sinwarrek bere gain hartu zuen Hamasen kontrola Zerrendan, 2024ko urrian Israelek Yahya Sinwar anaia hil ondoren. Oraingoz, erakunde palestinarrak ez du buruzagiaren heriotza baieztatu.
2025/05/28 - 17:59
ELAk lanuzteak deitu ditu EAEko espetxeetan, lan-baldintzek "okerrera" egin dutela salatzeko
Ekainaren 9tik 15era egingo dituzte lanuzteak, egun bakoitzean hiruna ordukoak.
2025/05/28 - 17:24
Fiskaltzak artxibatu egin du Monederori sexu-erasoa egotzita jarritako salaketa
"Xuntos por Galicia" plataformaren izenean jarri zuten salaketa, martxoan. Bertan, Podemosen zuzendaritzari ere leporatzen zitzaion Monedero babestu izana.
2025/05/28 - 16:45
Ikasle gehiago erakartzea da EHUko Kimika Fakultatearen erronka nagusietako bat
1975ean sortu zen EHUren Kimika Fakultatea eta 2.000 lizentziatu, 650 graduatu eta 600 doktore atera dira geroztik. Enplegu tasa altuena duen gradua da. Hala ere, kimikagintzak profesionalen beharra du, eta horixe da fakultatearen erronka nagusietako bat.
2025/05/28 - 15:31
Bilboko kaleek historian lehenengoz Harrotasuna ospatzeko karrozen desfilea hartuko dute, ekainaren 21ean
Horixe izango da, hain justu, aurtengo Bilbao Bizkaia HARROk dakarren berrikuntzetako bat. Hamar urteren ondotik, Itsasaderretik kalera egingo du saltoa martxak. Aurtengoan ekimenak Derion, Getxon, Santurtzin, Sodupen, Gueñesen eta Bilbon egingo dira, ekainaren 13tik 26ra.
2025/05/28 - 15:23
Zuriñe Zulaika: ''Ezohiko aire-masa beroa dator''
Ostegun eta ostiralean maiatzean ohi baino tenperatura altuagoak izango ditugu, 30 ºC-ren bueltakoak.
2025/05/28 - 15:14
Bilboko itsasadarraren azpiko tunela eta trenbidea egitea bateragarriak dira
Bizkaiko Azpiegituretarako diputatuak azaldu duenez, trenbide sarea Eusko Jaurlaritzaren eskumena bada ere, foru aldundiak lan osagarriak egingo ditu etorkizunean horretarako aukera egon dadin.
2025/05/28 - 15:12
Adegik "larrialdi industrialaz" ohartarazi du eta eragile politikoei lehiakortasuna bultzatzeko eskatu die
Industria enpresen eskaera zorroa ahul dabil oraindik, eta sektore horretan ez da enplegurik sortzen, Gipzukoako enpresa elkartearen arabera.
2025/05/28 - 15:08
Anduezak dio koalizioa ez dela hautsiko, baina ez duela onartuko akordioan aldaketarik egitea
Eneko Anduezak berretsi du Eusko Jaurlaritza ez dela "hautsiko", baina ohartarazi du ez duela aldaketarik onartuko EAJrekin koalizio-gobernua osatzeko adostutako bide-orrian eta akordioan.
2025/05/28 - 14:51
'Jaurlaritzak higiezinen lobbyaren aurrean amore eman du eta atzerapausoa ekarriko duen erreforma bultzatu du'
EH Bilduren bozeramaileak ziurtatu duenez, EAJk 2006ko lurzoruaren legearen erreforma inposatu dio PSE-EEri, eta, horren bidez, Eusko Jaurlaritzak higiezinen merkatuaren aurrean amore eman du.