Europa

2025/03/17 - 11:12

''Merkatuan dauden gailuen % 90ek ez lukete beteko Bruselak planteatutako araua''

Europako Batzordeak egur-tximinia eta berogailuen isurtzen duten kutsadura murrizteko egin duen proposamenak alarma piztu badu ere, Chimeneas Suberriko Izaskun Furundarenak nabarmendu momentuz ez dagoela debeku ofizialik, eta zirriborro bat baino ez dagoela mahai gainean.

2025/03/16 - 09:01

Milaka pertsona elkartu dira Erroman Europar Batasunaren eta Ukrainaren alde

Michele Serra kazetari eta idazleak egunkari batean egindako deialdiari jarraituz, Italia osoko eta atzerriko herritarrak eta ordezkari politikoak elkartu dira EBren jatorrizko balioak aldarrikatzeko, siglarik gabeko manifestazio batean.

2025/03/15 - 17:20

Europako agintari militarrek bilera egingo dute ostegunean Ukrainari buruzko "fase eraginkor bat" hasteko

Starmerrek biltzeko deia egin dio Ukrainako gerraren amaierarekin konprometitutako eta AEBko presidente Donald Trumpek Etxe Zuritik piztutako zurrunbilo diplomatikoari aurre egiteko sortutako "Boluntarioen Koalizioa"ri.

2025/03/14 - 16:36

Alemaniako alderdiek zor-muga malgutzea adostu dute, Defentsan inbertitzeko

Kontserbadoreek eta sozialdemokratek aurreakordioa hitzartu zuten, baina Berdeen babesa behar zuten bi hereneko gehiengoa lortzeko. Hasiera batean, errezeloa erakutsi zuten Berdeek, baina proposamena ontzat jo dute azkenean.

2025/03/12 - 20:43

EBk AEBko muga-zergei emandako erantzunaren gakoak: bi fase eta produktuen bi zerrenda

Europako Batzordeak esan du "kontu handiz neurtu" duela bere erantzuna, eta bi fasetan iritsiko dela, Washingtonekin irtenbide negoziatu bat bilatzen jarraitzen duen bitartean.

2025/03/12 - 18:08

Errusiak gatazkaren "arrazoi sakonei" heldu nahi die Ukrainarekin bakea adosteko

Sergey Lavrov Errusiako Atzerri ministroak kritikatu duenez, Europako estatuak Ukrainan "bake indarrak zabaltzearekin tematuta daude”. "Hori ez da gerrari amaiera emateko behar dena", ohartarazi du.

2025/03/12 - 10:39

EBk iragarri du AEBko produktuen gainean 26.000 milioi euroko kostua izango dituzten neurriak ezarriko dituela

Gaur sartu dira indarrean Estatu Batuek Europako altzairuari eta aluminioari jarritako % 25eko muga-zergak. EBren iritzian, "bidegabeak" dira zerga horiek, eta erantzuna egingo du.

2025/03/11 - 16:55

Zer paper jokatzen du Starlink sareak Ukrainan? Ba al du Europak alternatibarik?

Elon Muskek asteburuan ohartarazi zuenez, Starlink satelite-sistema itzaliko balu Ukrainan, "gerra-fronte osoa kolapsatuko litzaioke" Kievi. Horrek eztabaida sortu du Europar Batasunean, AEBko enpresa ordezka dezakeenik ote dagoen.

2025/03/11 - 13:17

Jauregiren ustez, EAEk "ahalmen industrial eta teknologikoa" eman ahal dio Europa berrarmatzeko planari

Eusko Jaurlaritzako Industria, Trantsizio Energetiko eta Jasangarritasuneko sailburuaren arabera, Euskadik "muskulua eta ahalmena" du ziberzaintza sektorean eta arlo horretan ekarpena egin diezaioke EAEko industriak.

2025/03/10 - 23:51

Groenlandiak hauteskundeak ditu gaur, eta Trumpen interesa dela eta, mundu osoa dago hari begira

AEBko presidenteak uhartea bereganatu nahi du Artikoan duen posizio geoestrategikoagatik eta baliabide naturaletan duen aberastasunagatik. 40.000 hautesle inguru 31 ordezkari aukeratzera deituta daude.

2025/03/10 - 22:05

Europak % 155 areagotu du armen inportazioa 2020tik: Ukraina da inportatzaile nagusia, eta AEB, hornitzailea

AEBtik dator Europako herrialdeek jasotzen duten armamentuaren % 53, oro har, eta NATOko herrialdeek jasotzen dutenaren % 64, zehazki. Ukrainaren atzetik, Erresuma Batuak eta Poloniak erosi dituzte arma gehien azken lau urteetan.

2025/03/10 - 17:23

Zer da Frantziako disuasio nuklearra eta zergatik izango da giltzarri Europaren defentsan?

Paris Europako bazkideei "disuasio nuklearra" zabaltzea aztertzen ari da. Gerra Hotzaren garaian abian jarritako armamentu nuklear multzoa da, aldian-aldian modernizatua, herrialdeari Estatu Batuekiko gaitasun estrategiko independentea emateko.

2025/03/10 - 17:23

Petrolio-ontzi batek eta zamaontzi batek elkar jo dute Ipar itsasoan, eta lehena erregaia isurtzen ari da

Stena Bulk Suediako konpainia armadorearekin batera petrolio-ontzia kudeatzen duen Crowley enpresa estatubatuarrak azaldu duenez, talkak "Jet-A1 erregaia zuen tanke bat hautsi du", eta horrek erregai-ihesa eragin du. Beraz, itsasora erregaia isurtzen ari da.

2025/03/10 - 11:18

Alemaniako 13 aireportutan deitutako grebak 3.400 hegaldi utzi ditu bertan behera

Lanuzteak aireportu hauetan izango du eragina: Munich, Stuttgart, Kolonia/Bonn, Düsseldorf, Dortmund, Hannover, Bremen, Hanburgo, Berlin-Brandenburgo, Leipzig-Halle eta Frankfurt. Imanol Pradales lehendakariak geldialdia egin behar zuen Alemanian, baina azkenean Zurichetik abiatu da AEBra.

2025/03/09 - 17:51

Europaren defentsak 27en ardura izan behar duela eta AEBk aliatu izan behar duela esan du Von der Leyenek

Bere agintaldiko lehen 100 egunen harira emandako hitzaldian, Europako Batzordeko presidenteak egungo defentsa eredua aldatzeko beharra defendatu du. Bestalde, asteartean aurkeztuko duten migrazio proposamen berriari buruz esan du areagotu egingo dituztela legez kanpoko migratzaileen kanporatzeak.

2025/03/09 - 14:58

Muskek AEB NATOtik ateratzea eta "Europaren defentsagatik ordaintzeari uztea" babestu du

Hala erantzun dio Muskek X sareko erbailtzaile baten mezuari. FEMENek Parisen "epidemia faxista" salatzeko egindako protesta baten bideoari erantzunez, "Atera gaitezen NATOtik, oraintxe!" idatzi zuen hark, eta horren alde agertu da Musk bera.

2025/03/07 - 09:03

Sanchezek iragarri du 2029a baino lehen Espainiak BPGaren % 2 bideratuko duela defentsa gastura

Berez, EBk urte horretarako jarri zuen helburua, baina horren aurretik egingo dutela nabarmendu du Espainiako Gobernuko presidenteak. Dena dela, ez du zehaztu datarik edo bestelako portzentajerik. Sanchezen hitzetan, "gehiago eta hobeto" inbertitu behar da defentsan.

2025/03/06 - 23:32

Mannheimgo erasoaren egileak eskuin-muturrarekin loturak ditu, Exif Rechercheren arabera

Alemaniako Exif Recherche erakundearen arabera, Alexander Scheuermann Reichsburger ideologia duten neonaziak biltzen dituen Ring Bund taldeko kidea da. Mugimenduak Alemaniako Errepublika Federalaren zilegitasuna ukatu eta sistema autoritario batekin ordezkatu nahi du.

2025/03/06 - 16:51

Zer beharko luke Europak bere burua defendatzeko AEBrik gabe?

Donald Trump AEBko presidenteak Errusiaren balizko eraso baten aurrean Europa ez defendatzeko egindako mehatxuek defentsaren eztabaida berpiztu dute. Azterketa batek zifrak jarri dizkie Europako herrialdeei beren burua defendatzea ekarriko liekeenari. Hau da esaten dutena.

2025/03/06 - 09:05

Europa "berrarmatzeko" bermea bilatuko dute gaur Europako buruzagiek, Trumpekin izandako krisiaren ostean

Zelenski Bruselako hitzorduan izango da, Ukrainari laguntza militarra handitzeko neurririk espero ez den arren.