Gazako Zerrenda
2024/12/05 - 22:42
Amnistia Internazionalaren txosten baten arabera, Israel genozidioa egiten ari da palestinarren aurka
Agnes Callamard gobernuz kanpoko erakundeko idazkari nagusiak azpimarratu du ondorio "argi" horiek "nazioartearen arreta erakartzeko" balio beharko luketela.
2024/11/30 - 23:47
Jose Andres sukaldariaren Gobernuz Kanpoko Erakundeko hiru langile hil ditu Israelek
Erasoa gertatu eta gutxira, Israelgo Armadak adierazi du hildakoetako batek (Hazmi Kadih) iazko urriaren 7an Nir Oz kibbutzean izandako erasoan parte hartu zuela. Sukaldari ezagunaren GKEak Gaza uztea erabaki du.
2024/11/27 - 09:21
Indarrean da su-etena Libanon, Israelek Gaza kolpatzen jarraitzen duen bitartean
Israelgo Armadak jakinarazi duenez, herrialdearen hegoaldean dituen tropei eutsiko die, eta desplazatuak bizilekura itzultzeko "debekua" mantenduko du. Iranek pozez hartu du Israelek Libanori eraso egiteari uztea.
2024/11/26 - 20:14
Libanon su-etena ezartzeko akordioa, Israelek Gaza kolpatzen jarraitzen duen bitartean
Israelek eta Hezbollahk onartu dute Libano hegoaldea 60 eguneko epean desarmatzea. Hori amaitzean, Israelek eta Libanok bi herrialdeen arteko muga negoziatu beharko dute. Netanyahuk dagoeneko ohartarazi du Israelek "ekintza askatasuna" mantenduko duela Hezbollahk akordioa urratzen badu.
2024/11/26 - 17:54
Israelek Libanoren aurkako eraso andana abiarazi du, su-eten baten itxaropena zabaldu den arren
Armada sionistak Beiruten kontra eraso egin du berriro. Eguneko lehen orduan Libanoko hiriburuaren aurkako bonbardaketa andana egin du, balizko su-eten akordio bati buruzko informazioa zabaldu den arren. Bitartean, Gazaren kontrako erasoek ez dute etenik.
2024/11/23 - 12:17
Israelek gutxienez 25 pertsona hil ditu Gazan, tartean sei haur, azken erasoetan
Gainera, Israelen droneek Kamal Adwan ospitaleko argindar sorgailua eta ur eta oxigeno biltegiak suntsitu dituzte. Libanon, 3.600 baino gehiago dira hildakoak.
2024/11/21 - 18:38
Benjamin Netanyahu atxilotzeko agindua eman du Nazioarteko Zigor Auzitegiak Gazan egindako gerra krimenengatik
Halaber, Yoav Gallant Israelgo Defentsa ministro izandakoa eta Mohamed Diab al Masri Hamasen goi karguduna atxilotzeko ere eskatu du. Netanyahuren iritziz, "antisemita" da agindua. Auzitegiko kide diren 124 herrialdeak behartuta daude haren ebazpenak onartu eta betetzera.
2024/11/17 - 10:41
Israelek dozenaka palestinar hil ditu Gaza iparraldean egindako beste eraso batean
Lekualdatutako 70 pertsona zeuden gutxienez airez eraso egin dioten erresidentzian. Era berean, Israelek 145 eraso egin ditu Beiruten azken 24 orduetan.
2024/11/14 - 19:04
Israel Gazan egiten ari denak "genozidioaren ezaugarriak ditu", NBEren batzorde berezi baten esanetan
Adituek zehaztu dutenez, gerraren hasieratik "Israelgo agintariek publikoki babestu dituzte palestinarrei bizitzeko behar oinarrizkoenak ere ukatzen dizkieten politikak", besteak beste, janaria, ura eta erregaia.
2024/11/14 - 10:39
Hainbat lagun atxilotu dituzte Amsterdamen, Europako hiriburuetan Gazaren alde egindako protestetan
Parisen haserre atera da jendea kalera, eskuin muturreko pertsona ezagunek Israelen alde antolaturiko galaren aurka. Amsterdameko erdigunean, berriz, manifestazioa debekatuta zegoen, eta hainbat lagun atxilotu dituzte elkarretaratzea egiteagatik.
2024/11/11 - 15:12
Sol musika talde gazatarrak bakearen aldeko bira hasiko du urtarrilean Euskal Herrian
Apirilean, gerrak bete-betean harrapatuta, Gazatik ateratzea lortu zuten bi palestinar dira Rahaf eta Said. Sol band musika taldeko kideak dira eta euren asmoa da musikaren bidez Palestinaren egoerari ahotsa jartzea.
2024/11/10 - 16:46
36 palestinar hil dira, 13 haur tartean, Israelek Gaza iparraldean egindako erasoetan
Israelek 36 pertsona hil eta hainbat zauritu ditu etxebizitza bat bonbardatuta. Zenbait pertsona hondakinen azpian harrapatuta gelditu dira.
2024/11/09 - 20:39
Qatarrek ez du Israelen eta Hamasen arteko bitartekari izaten jarraituko
"Alde biei esan genien fede oneko akordio bat lortzen saiatzen ez badira ezingo dugula bitartekari izaten jarraitu. Ondorioz, Hamasen bulego politikoa ez dago jada bere helbururako erabilgarri", esan dute identifikatu gabeko iturriek.
2024/11/09 - 13:25
NBEk ohartarazi du gosete arrisku handia dagoela Gaza iparraldean eta berehalako esku-hartzea eskatu du
Gutxienez 14 palestinar hil eta hainbat zauritu dira bart Israelgo Armadak Gaza eta Khan Yunis hirietan egindako aire-erasoetan.
2024/11/08 - 21:44
Azarotik apirilera gutxienez 24 aldiz erabili zuen Israelek fosforo zuria Gazan, NBEk baieztatu duenez
Nazio Batuen Erakundeak (NBE) herrialde guztiei eskatu die, nazioarteko betebehar legalen arabera, Gazan krimen gehiago saihesten laguntzeko, eta justizia egin dadin eskura dituzten bideak erabiltzeko, bai jurisdikzio unibertsala aplikatuz, bai balizko egileak estraditatuz, epaituak izan daitezen.
2024/11/03 - 20:56
52 herrialdek NBEri eskatu diote Israeli armak eta munizioa blokeatzea
Liga Arabiarrak, Islamiar Kooperazioaren Antolakuntzak eta 52 herrialdek babestu dute Turkiaren ekimena. Herrialde gehienak arabiarrak eta islamiarrak dira: Hegoafrika, Bolivia, Brasil, Kolonbia, Kuba, Mexiko, Nikaragua, Norvegia, Errusia, Senegal, Txile, Venezuela, Vietnam eta Zimbabwe.
2024/11/02 - 21:17
71 pertsona hil eta 169 zauritu dira Libanon azken 24 orduetan Israelen erasoen ondorioz
Era berean, dozenaka pertsona hil dira Gazan azken orduotan eta lur azpiko arma fabrika bat ere txikitu dute Israelgo Armadak egindako erasoetan.
2024/11/01 - 21:46
NBEko 15 agentzietako buruek salatu dutenez, egoera "apokaliptikoa" da Gaza aiparraldean
Ohartarazi dute Gazako biztanleek "gaixotasunez, gosetez edo indarkeriaz hiltzeko berehalako arriskua" dutela. "Oinarrizko gizatasunarekiko eta gerraren legeekiko mespretxu nabarmen horrek amaitu egin behar du", eskatu dute NBEko buruzagi humanitarioek.
2024/10/29 - 13:58
Israelek Gazan egindako azken bonbardaketak 90 hildako baino gehiago utzi ditu, gehienak emakumeak eta haurrak
Gazako agintariek salatu dutenez, Israelgo armadak "sarraski izugarria" eragin du apartamentu-eraikin baten kontrako bonbardaketan.
2024/10/29 - 09:33
Jerusalemen milaka manifestari bildu dira, Netanyahuren gobernuari aski dela esateko
Israelen boterea Hamasen aurkako gerra nola kudeatzen ari den arbuiatu dute, baita bahituen egoera eta lege antidemokratikoak ere. Istiluetan poliziak 9 lagun atxilotu ditu.