Indarkeria matxista, Euskadin, Nafarroan eta Espainian gaur gertatutako tratu txarrei buruzko albisteak |Orain

2025/06/15 - 17:07

Duela astebete bikotekideak Malagan hil zuen emakume gasteiztarra oroitu dute gaur elkarretaratze batean

Elkarretaratzea egin dute Gasteizen, duela astebete Malagan gizon batek hil zuen 50 urteko emakumea bertakoa zen eta. Ariznabarra auzoko taberna batean egin zuen lan emakumeak duela hilabetera arte eta bertako auzokideek zein hainbat eragilek deitu dute hilketa matxista salatzeko elkarretaratzea.

Malagan bizi zen duela hilabetetik bere bikotekidearekin eta han, gasolindegi batean atzean, hil zuen kolpeka gizonak.

2025/06/15 - 15:50

18 urteko gizonezko bat atxilotu dute Muxikan, hainbat adin txikikori sexu-erasoak egiteagatik festagunean

Bost neskak salatu dute gizonezko batek sexu-ukituak egin dizkiela San Roman auzoko jai-esparruan zeudela. Ertzaintzak bertan aurkitu eta atxilotu du gaztea. Epailearen aurrera eramango dute ondorengo orduetan.

2025/06/15 - 12:15

Gizon batek emazte ohia hil du Coruñan

Jada atxilotu dute ustezko hiltzailea, Sagrada Familia auzoan hilketa egin ostean.

2025/06/15 - 10:55

Eraso matxistarik gabeko jaiez gozatzeko gida, dekalogoa eta kartela aurkeztu dituzte erakundeek

Emakundek, aldundiek eta Eudelek gazteentzako kanpaina bat bultzatu dute aurten ere, jai-guneetan eraso matxistak identifikatu, horiei aurre egin eta errespetu eta segurtasun giroa sustatzeko. Kanpainaren leloa: "Errespetuz eraiki, beldur barik gozatu".

2025/06/13 - 16:18

EAEko erakundeek jaietan eraso matxistei aurre egiteko kanpaina abiarazi dute

Miren Elgarresta Emakundeko zuzendariak azpimarratu duenez, helburua da pertsona guztiek jaiez "beldurrik gabe eta askatasunean" gozatu ahal izatea, "ezerk ez baitu justifikatzen eraso matxista bat".

2025/06/09 - 12:36

Gizon bat atxilotu dute Beasainen, emakume bati sexu-erasoa egitea leporatuta

Erasoa goizaldean gertatu da. Tabernak dauden zonalde batetik gertu lagun batekin hitz egiten ari zela, atzetik joan zaio gizona, eta sexu-erasoa egin dio. Goierriko Itaiak deituta, dozenaka lagun elkartu dira Beasainen erasoa salatzeko.

2025/06/08 - 22:02

Gizon bat atxilotu dute Beasainen, emakume bati sexu-erasoa egitea leporatuta

Erasoa goizaldean gertatu da. Tabernak dauden zonalde batetik gertu lagun batekin hitz egiten ari zela, atzetik joan zaio gizona, eta sexu-erasoa egin dio. Goierriko Itaiak deituta, dozenaka lagun elkartu dira Beasainen erasoa salatzeko.

2025/06/08 - 14:31

Hiru pertsona ikertzen ari dira Arabako Errioxan adingabe bati egindako sexu-erasoagatik

Horietako bi adingabeak dira, eta jada deklaratu dute epailearen aurrean. Hirugarrena, gaztea hori ere, ez dakite non dagoen.

2025/06/08 - 00:21

Gizon bat atxilotu dute Marbellan, bikotekidea hiltzea egotzita

53 urteko emakume bat da biktima. Hainbat iturriren arabera, gizonak kolpeka hil du, eta bere burua entregatu du ondoren Poliziaren aurrean.

2025/06/06 - 15:58

Sheila Gonzalvo, indarkeria bikarioaren biktima: ''Bizitza osoan izan diot beldurra aitari, beldur bizia''

Ama bat mehatxatzeko, kontrolatzeko edo sufriarazteko seme-alabak erabiltzea da indarkeria bikarioa. Sheila indarkeria matxista mota horren biktima izan zen, amak aitarengandik banantzea erabaki zuenetik. Estatuan 2013tik 64 adingabe hil dituzte gizonezkoek indarkeria bikarioa erabiliz.

2025/06/04 - 15:22

Berretsi egin dute Mario Lopezi jarritako espetxe-zigorra: 13 urte eta erdi, sexu-eraso jarraituak egiteagatik

EAEko Justizia Auzitegi Nagusiak bere epaian dio Gernikako saskibaloi taldearen entrenatzailearen aurkako "nahikoa kargu-froga" dagoela eta erruduna dela, zalantzarik gabe.

2025/06/03 - 23:02

Prostituzioa Hego Euskal Herrian, analisi laburra: EAEk Espainiako bosgarren tasarik altuena du

Gutxienez 5.158 emakume egongo lirateke prostituzioan (3.421 Bizkaian, 1.053 Gipuzkoan eta 684 Araban), eta % 15 inguru sareetan aritzen dira. Nafarroan, 817 emakume prostituzio egoeran daudela uste dute. Hala ere, Askabide bezalako elkarteek salatu dutenez, kopuru horiek errealitatetik urrun daude.

2025/06/01 - 15:02

29 urteko gizon bat atxilotu dute Bilbon, kalean bikotekidea jotzea leporatuta

Gainera, atxilotuak aurre egin die agenteei, eta botila batekin eraso egiten saiatu da. Emakumea Basurtuko Ospitalera eraman dute, eta atxilotua ertzain-etxera, epailearen aurrera eraman aurretik izapideak betetzera.

2025/06/01 - 12:21

Behin-behineko espetxealdia ezarri diote gizon bati Iruñean, neska bati sexu-erasoa egitea egotzita

Iturrama eta Ermitagaña auzoen artean dagoen etxabe batean lagunekin lo egiten ari zen 14 urteko neska bati sexu-erasoa egin izana leporatu diote. Fidantzarik gabeko behin-behineko espetxealdia ezarri diote, ihes egiteko arriskua dagoelako.

2025/05/31 - 21:31

Protesta egin dute Donostian, atzo Bilbon jazotako hilketa bikarioa gaitzesteko

Boulevardean batu dira "Aski da! Eraso sexistarik ez. Autodefentsa Feminista" lelopean. Elkarretaratzean, erantzukizuna eskatu diete erakundeei "indarkeria matxisten aurrean".

2025/05/31 - 19:46

''Tximeleten taupadak'', haurrak eta gazteak enpatian hezteko proiektua

Duela zazpi urte hil zituen aitak Martina eta Nerea, 2 eta 6 urteko alabak. Zoritxarreko gertaera hori abiapuntutzat hartuta, Isabel Gallardo dibulgatzailea Itziar Prats amarekin kontaktuan jarri zen eta "Tximeleten taupadak" proiektua sortu zuten.

2025/05/31 - 13:36

1.900 emakumek jarri dute salaketa indarkeria matxistagatik urteko lehenengo lauhilekoan EAEn

Sexu askatasunaren aurkako delituak, bikotekideen edo bikotekide ohien erasoak edo senideenak biltzen ditu datu horrek. Bizkaian % 29 hazi da sexu erasoen kopurua.