2015a, urte ona euskal aireportuentzat
Bilboko Aireportuaren historiako bigarren urte onena izan zen 2015a, aurreko urteko datuekin alderatuta % 6,5 hazi baitzen bidaiarien kopurua. Orotara, 4.277.430 bidaiari zenbatu zituzten Loiun iaz, AENAk gaur zabaldutako datuen arabera.
Orain arteko datuei erreparatuz gero, 2007koa izan zen ekitaldirik onena, 4.286.751 bidaiari pasatu baitziren orduan Bilboko Aireportutik. 2015ean datu hori hobetu ez izanaren arrazoien artean, AENAren ustez, aireportuan izan diren hainbat lan-gatazka daude; besteak beste, Lufthansarena. Gatazka horren ondorioz, 25 hegaldi geratu ziren iaz bertan behera.
Nolanahi ere, 2015eko abenduko datua nabarmendu du AENAk, hilabete horretan 295.454 bidaiari izan baitzituen Loiuk; aurreko urteko hil berean baino % 9,7 gehiago.
Nazio mailako eta nazioarteko hegaldien kopuruak % 3,7 egin zuen gora iaz. Estatuko hegaldietan, 2.646.304 bidaiari zenbatu zituzten. Nazioarteko hegaldiak hartu zituzten bidaiarien kopurua, berriz, % 11,9 hazi zen.
Denera, 43.862 lurreratze eta aireratze izan ziren Bilboko Aireportuan. Garraiatutako karga kopuruak ere gora egin zuen 2015ean: iaz 2.871 tona karga garraiatu ziren guztira, 2014an baino % 0,6 gehiago.
Hondarribia
Bestalde, Hondarribiko aireportuak 255.071 bidaiari izan zituen iaz, hau da, aurreko urtean baino % 3,9 gehiago.
Abendua ere hilabete positiboa izan zen, 2014ko hil berean baino % 2,4 bidaiari gehiago (17.009 pertsona) izan baitzituen.
Hegazkinen joan-etorriak ere gora egin zuen iaz: 6.805 lurreratze eta aireratze zuzendu zituzten (% 12,3 gehiago). Abenduan zenbaki horrek "nabarmen" egin zuen gora, % 38,5 (504 oeprazio).
Aireportu gipuzkoarrak Madrilerako eta Bartzelonarako hegaldiak ditu urte osoan.
Gasteiz
Arabako hiriburuan, merkantzien garraioa inoizko onena izan zen iaz Forondako aireportuan, 46.371 tona kudeatu baitzituzten, 2014an baino % 10 gehiago.
Bidaiariei dagokienez, 11.182 pertsonak erabili zituzten Forondako instalazioak, aurreko urtean baino % 58,1 gehiago.
Lurreratzeen eta aireratzeen kopuruak ere gora egin zuen, % 16,1 hain zuzen ere, 6.840 operazio zuzendu baitzituzten.
Abenduan, merkantzien garraioa % 9,2 (4.372 tona) hazi zen.
Iruñea
Azkenik, Noaingo aireportuak % 7,5eko hazkundea izan zuen iaz bidaiarien kopuruan. Guztira, 148.710 pertsonak hartu dute hegazkina bertan.
Hegazkinen joan-etorriak ere % 4,4 egin du gora, guztira 5.697 operazio izan baitziren.
Abenduan, bidaiarien hazkundea % 12koa (9.987 guztira) izan zen.
Zure interesekoa izan daiteke
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.