Metroko hirugarren linea urtebete barru hasiko da funtzionatzen
Metro Bilbaoko hirugarren linea urtebete barru hasiko da funtzionatzen, Zazpikaleetako geltoki intermodaleko lanak bukatutakoan. Linea berriak 279 milioi euro kostatu du, eta 10 milioi bidaiari eramango ditu urtean.
Iñigo Urkullu lehendakariak, Ana Oregi Ingurumen eta Lurralde Politikako sailburuak, Unai Rementeria Bizkaiko ahaldun nagusiak eta Juan Maria Aburto Bilboko alkateak linea berriko lanak bisitatu dituzte asteazkenean. Bertan azaldu dutenez, geltoki berriak metroko hiru lineak elkartuko ditu, eta Txorierriko trenbidea Artxandako tunel berri baten bidez lotuko dute.
Horrela, intermodala Bilboko itsasadarreko bi aldeetako, Txorierriko, Durangaldeko eta Urdaibaiko bizkaitarren "topagune berria" izango da. Lehendakariaren hitzetan, proiektuak "lurralde osoa" antolatuko du. Metro Bilbaoko hirugarren lineak 5.885 metroko luzera izango du, eta 70.000 bat pertsonak erabiliko dute. Halaber, Etxebarri udalerria Otxarkoaga, Txurdinaga, Uribarri eta Matiko Bilboko auzoekin lotuta egongo da.
Lanak 2015eko maiatzean hasi zirenetik, Esperanza pilotalekuko eta San Nikolaseko geltoki zaharra eraitsi dituzte. Gainera, 120 metro luze den tunel bat erabili da geltoki berriko orubea eraikitzeko.
Erakundeen apustua
Eusko Jaurlaritzak eta Bizkaiko Foru Aldundiak erdibana ordaindu dituzte linea berriko lanak. Iñigo Urkullu lehendakariaren esanetan, "zailtasunei" aurre eginez, "kalitatezko garraiobide publiko baten alde" egin du Euskadik. "Hirugarren lineako proiektu berriak erakusten du Metro Bilbao nazioarteko erreferente bat dela", adierazi du lehendakariak.
Unai Rementeria Bizkaiko ahaldun nagusiaren arabera, Bizkaiko Foru Aldundiak 1.320 milioi euro inbertitu ditu 1998tik metroko lanetan. Hau da, mila euro inguru biztanle bakoitzeko.
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.