Udako ordutegia uztailaren 1ean sartuko da indarrean Bilboko Metroan
Ostiral honetan, uztailaren 1ean, udako ordutegia sartuko da indarrean Bilboko Metroan. Ordutegi berriak, urtero bezala, zenbait irizpide hartuko ditu kontuan: eskolak amaitu direla, erabiltzaile askok aukera handiagoa dutela aisialdiaz gozatzeko, eta hainbat herritan jaiak ospatuko dituztela uztailean eta abuztuan. Irailaren 4ra arte izango da indarrean (igandea da).
Zerbitzuak bi epe bereizten ditu: alde batetik, uztaila eta iraileko lehen astea; bestetik, abuztua, Bilboko Aste Nagusiko egunetan izan ezik (abuztuaren 20tik 28ra egingo dituzte Bizkaiko hiriburuan). Erabiltzaileen beharrak aztertu dituzte epe horiek zehazteko.
Hain zuzen, zerbitzu bereziak eskainiko ditu Metroak ondorengo jaieta: Sopelan (ekainaren 28an hasi ziren, eta uztailaren 3an amaituko dira), Santurtzin (uztailaren 8tik 17ra), Barakaldon (uztailaren 9an hasi eta 17an amaitu) eta Algortan (uztailaren 28tik 31ra). Bilboko Aste Nagusian, Metroa ez dute itxiko, abuztuaren 20tik 28ra.
Etengabeko zerbitzua hiru igandetan, biharamuna jaieguna delako
Nabarmentzekoa da Metroak ostiral eta larunbat gauetan etengabe ibiltzen jarraituko duela, irailaren amaierara arte (ekainaren hasieran hasi zen egiten); gainera, hiru igandetan (uztailaren 3an eta 24an, eta abuztuaren 14an), etengabe ibiliko da gauean ere, biharamuna jaieguna da eta.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.