Sindikatuek irregulartasunak antzeman dituzte Zaldibarko zabortegiko lanetan
Zaldibarko zabortegian martxan dauden lanetan hainbat irregulartasun antzeman dituztela salatu dute ELA eta LAB sindikatuek. Eusko Jaurlaritzak, berriz, segurtasun neurri guztiak zorrotz betetzen direla ziurtatu du.
17 egun bete dira luizia gertatu zenetik. Erreskate taldeak harrezkero desagertuta duen bi langileen bila ari dira eta horretarako han pilatutako hondakin industrial toxikoak mugitu behar dituzte.
Gaur goizean ELA eta LAB sindikatuetako ordezkariak zabortegia ikuskatzen izan dira eta irregulartasun asko antzeman dituztela ohartarazi dute.
Bilera bat egitea eta zabortegia bisitatzea eskatu zioten sindikatuek Eusko Jaurlaritzako Ingurumen eta Enplegu sailei eta Osalani. Alabaina, enpresa pribatu batek eman dizkiete azalpenak zabortegira joan direnean.
"Gurea ez da kortesiako bisita bat. Gu zertan ari diren eta bi desagertuak aurkitzeko zer egiten dabiltzan ikustera etorri gara, baina ez digute inolako erantzunik eman", kritikatu du Peio Igeregi ELAko ordezkariak.
"Eusko Jaurlaritza enpresa pribatu baten atzean ezkutatu da, gardentasun eta informazio falta dago", erantsi du.
Igeregiren esanetan, langile asko babes neurri egokirik gabe ari direla lanean egiaztatu ahal izan dute.
"Kutsatutako hondakinak manipulatzen egon ostean, langileak garbitu gabe bazkaltzera joaten ikusi ditugu. Hondakinak inolako babesik gabe kargatzen eta deskargatzen ikusi ditugu beharginak", azaldu du.
ELAren iritzian, "onartezina da enpresa pribatuek zaborra erabiltzea dirua irabazteko". Hortaz, zabortegien kudeaketak publikoa izan behar duela eta instalazio horien gaineko kontrola zorroztu egin behar dela azpimarratu du.
Jaurlaritzak segurtasun neurriak betetzen direla dio
Bestalde, Eusko Jaurlaritzak bi sindikatu horiek egindako kritikak ukatu ditu eta behargin guztiak dagozkien babes neurriekin ari direla ziurtatu du.
Hala, deskontaminaziorako hiru gune ezarri dituzte, arropak aldatu eta dutxatzeko.
Horrez gain, langileak segurtasuna bermatzeko enpresa espezializatu bat kontratatu dutela eta Zaldibarreko eta inguruko herrietako airearen kalitatea neurtzen ari direla azpimarratu du.
Zure interesekoa izan daiteke
EHNE-Nafarroak bere exekutiba berritu du eta "5.000 nekazari" dituen sektorea aldarrikatu du
Sindikatu abertzaleak bere antolakuntza eta nekazaritza politikako txostenak onartu ditu VIII. Kongreusan, familia nekazaritza eta abeltzaintza eredu baten defentsa, elikadura subiranotasuna eta ustiategien tamaina eta laguntza publikoen banaketa mugatzeko beharra berretsiz.
LABek ekainaren 4ko grebari eutsi dio EAEko udaletan, Udalhitzen inguruan akordiorik ez dagoelako
Horrez gain, manifestazioa deitu dute 12:00etatik aurrera, Bilboko erdigunetik abiatuta. Sindikatuak adierazi du alde handiak daudela euskararen normalizazioan eta udal zerbitzuen kudeaketa publikoan, besteak beste.
Gasolioaren igoerak alarmak piztu ditu Gipuzkoako garraio enpresetan
Guitrans garraioaren patronalak "litroko 20 zentimoko hobaria" ezartzeko “atzerapena” eta karga-enpresa batzuen "praxi txarra" gaitzetsi ditu.
Sare elektrikoetan inbertsioak handitzea "ezinbestekoa" dela uste du Galanek (Iberdrola)
Plantillaren mobilizazioen erdian, ELAk langileen erosteko ahalmenaren galera eta enpresaren jarrera kritikatu ditu; izan ere, langileen ordezkarien hitzetan, hitzarmen kolektibo berria 16 hilabetez negoziatu ondoren, "ezin da atzerakoiagoa izan".
Itxasok dio Bilduri "musika berria" entzun diola etxebizitzaren arloan eta Jaurlaritzarekin "bateragarria" dela
Sailburua eta EH Bilduko kideak Eusko Legebiltzarrean izan dira ostiral honetan, etxebizitzaren krisia eta etxebizitza arloko politikak aztertzea helburu. Bileraren ostean, Pello Otxandianok Jaurlaritzarekin "desadostasunak" daudela onartu du, baina baita "kointzidentziak" ere.
Denis Itxasok EH Bilduko ordezkariak hartu ditu etxebizitza arloko krisiaren inguruan hitz egiteko
Eusko Jaurlaritzako Etxebizitza eta Hiri Agendako sailburua, Denis Itxaso, eta EH Bilduko Eusko Legebiltzarreko bozeramailea, Pello Otxandiano, ostiral honetan bildu dira Eusko Legebiltzarrean, etxebizitzaren krisia eta etxebizitza arloko politikak aztertzea helburu. EH Bilduk Posible 30K ekimena aurkeztu dio bertan sailburuari; etxebizitzaren arloko bere proposamenak jasotzen dituena. Etxebizitza sailburuorde Miguel de los Toyos eta EH Bilduren Programa idazkari Nerea Kortajarena ere izan dira bileran.
Gasteizko Mercedes-Benzek eten egingo du gaur arratsaldeko ekoizpena, hornidura faltagatik
Fabrikako zuzendaritzak jakinarazi duenez, Marokoko Tanger hiriko portuaren "salbuespenezko" blokeoaren ondorioz, Gibraltarko itsasartean itsas trafikoa geldiarazita dago, eta horrek hornidura-katea kolapsatzea ekarri du; arazo horrek bereziki lantegiaren kable-hornitzaileari eragin dio.
Gipuzkoako Ogasunak ohartarazi du iruzur saiakerak ematen ari direla SMS mezu bidez
Gogorarazi du ez duela horrelako jakinarazpenik egiten SMS bidez, eta ez duela informazio konfidentzialik eskatzen.
Jaurlaritzak babes ofizialeko etxebizitzen salerosketan "bitartekari lanak" egingo ditu, ezkutuko gainprezioak saihesteko
Esleipena ez da egongo partikularren arteko "akordio pribatuen mende", eta Etxebideren bidez bideratutako prozedura baten bidez egingo da. "Guk esango diogu nork erosiko dion", azaldu du Itxasok.
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.