Zinema-aretoek % 75eko edukiera izateko baimena eskatu dio EZAE elkarteak Jaurlaritzari
Euskadiko Zinema Aretoen Elkarteak (EZAE) ostiral honetan iragarri duenez, Eusko Legebiltzarrean ordezkatutako talde guztiekin bilduko da, "zinema-aretoen egoera larria eta horien etorkizun iluna aztertzeko". Ildo horretatik, Jaurlaritzak hartutako neurria "berehala zuzentzeko" eskatu du, eta aretoei gaur egungo edukieraren % 35etik % 75era pasatzeko aukera emateko, "Estatuan orokorki egiten ari diren moduan".
Ohar batean, Euskadiko zinema-areto pribatuak eta kudeaketa pribatukoak biltzen dituen elkarteak berretsi du "ulertezina" dela Eusko Jaurlaritzak "aretoen edukiera % 35ean mantentzea hilabetez baino gehiagoz, Estatu osoko murrizketarik handiena, erabaki hori justifikatzen duen daturik eman gabe".
EZAEren arabera, "oso kaltegarria" da neurri berak lokal eta instalazio guztietan ezartzea, "jarduera bakoitzaren ezaugarriak kontuan hartu gabe".
"Pandemia osoan ez da agerraldirik edo istilurik izan zinema-aretoetan", nabarmendu du EZAEk. Hala, aretoek higiene eta osasun neurri guztiak beteta, "leku seguruak" direla erakutsi dutela gaineratu du.
"Edukiera murrizteak eragindako kalte ekonomikoak 600.000 eurotik gorakoak dira Euskadiko zinema-aretoetan", salatu du elkarteak.
"Hortaz, azken urte eta erdiko hondamendia azken bi hilabeteetan pixkanaka arintzen ari bazen ere, egoera jasangaitz berriak, hasteko, bi aretoren itxiera eragin du aldi baterako Euskadin, Getxon eta Durangon, hain zuzen ere", zehaztu du.
"Zoritxarrez, murrizketa berriek ezinezko egiten dute aurrerapauso horiei eustea, eta, ondorioz, aldi baterako lan-erregulazio berriak, zinema-aretoen itxierak eta ordutegi-murrizketak datoz", ohartarazi du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.