2022rako aurrekontuen aurreproiektua onartu du Espainiako Gobernuak
Espainiako Gobernuak 2022rako Estatuko Aurrekontu Orokorren aurreproiektua onartu du ostegun honetan. Inoizko inbertsio gastu handiena (40 000 milioi euro) jasotzen du proiektuak eta 10 eurotik 6 gizarte gastura bideratuko dituzte, gazteriari zuzendutako laguntzak bereziki bultzatuta (12 550 milioi euroko partida).
Maria Jesus Montero Ogasun eta Funtzio Publikoko ministroak Ministroen Kontseiluaren osteko agerraldian azaldu duenez, "Espainiako historian izandako aurrekontu hedatzaileenak dira. Susperraldi justua dute helburu, eredu produktiboago eta jasangarriago bat bultzatuta, eta ekonomiaren leheneratze hori gizarte osoari helduko dela bermatuta".
Monteroren hitzetan, "belaunaldi berriek orain eta bihar aukera hobeak izatea dute xede". Horretarako, hainbat plan eta politika aurreikusi ditu koalizio gobernuak. Adibidez, 250 euroko laguntza zuzena gazteen artean emantzipazioa sustatzeko. Monterok ez du zehaztu zenbateko partida bideratuko dute horretarako, baina etxebizitza politikek % 46ko igoera izango dute.
Horrez gain, gazteek kultura produktuetan gastatzeko 400 euroko bonua izango da (210 milioi euroko aurrekontua). Halaber, 2.119 milioi euro bideratuko dituzte beketarako, aukera berdintasuna bermatzeko helburuarekin.
"Gastu-sabaia" delakoak 196.142 milioi eurotan jarraituko du. Europako funtsei dagokienez, 27.633 milioi euro aurreikusi dituzte.
Aurrekontuen aurreproiektuak zerga bilketa % 8,1 igotzea espero du, 2021ekoarekin alderatuta. "Aurreikuspen zuhurra dela uste dugu", esan du Montero Ogasun ministroak. Era berean, Sozietateen Zerga % 15ean kokatuko dute, OCDErekin adostutakoari jarraiki.
Pentsioei dagokienez, txikienak eta kotizazio gabekoak % 3 igoko dira datorren urtean. Gainerakoak KPIaren arabera eguneratuko dira, Kongresuan izapidetzen ari diren pentsioen erreformaren legeari jarraiki.
"Gure lehentasunezko bazkideekin negoziatuko dugu"
Horrenbestez, datorren astean helduko da aurreproiektua Diputatuen Kongresura. Espainiako Gobernuak esan du "lehentasunezko bazkideekin" akordioa bilatzen saiatuko dela. "Herritarrek ez dute nahi oposizioa Gobernuaren akuilua izatea bakarrik, erabilgarria izatea ere eskatzen dute. EAJ, ERC... aurreko aurrekontuak babestu zituzten talde guztiak aintzat hartuko ditugu", adierazi du Monterok.
Albiste gehiago ekonomia
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.