Kamioientzako bidesariak ezarriko dituzte Bizkaiko bost errepidetan
Bizkaiko bost errepidetan kamioientzako bidesariak ezartzea adostu dute gaur Bizkaiko Batzar Nagusietan, EAJren eta PSEren aldeko botoekin. EH Bildu eta Elkarrekin Bizkaia abstenitu egin dira bozketan, eta PPk kontrako boza eman du.
Onartutako foru-arauaren arabera, 3,5 tona baino gehiagoko merkantzia-ibilgailu astunei ezarriko zaie kanona honako errepide hauetan: A-8 autobidean Basurtotik Hayara; N-240 errepidean, Barazarren; N-636an Durangotik Gipuzkoarako tartean, Kanpazarretik; Txorierriko korridorean; eta BI-625 bidean, Laudiotik Basauriraino. Urte honen amaieran sartuko da indarrean neurria.
Neurria onartu berritan, Imanol Padrales Bizkaiko Azpiegitura diputatuak adierazi du Europako zuzentarau bat oinarri hartuta erabaki dutela kamioiei bidesariak ezartzea. Europar Batasunaren jasangarritasun planaren arabera, erabiltzen dutenek ordaindu behar dute errepide nagusien mantenua nahitaez.
EAJren Batzar Nagusietako taldeak azaldu duenez, garraiolarien sektorearekin "etengabe harremanetan" daude, eta horien egoera zein den ondo dakite.
Ildo beretik mintzatu da sozialisten taldea ere. Horiek azpimarratu dutenez, "errepideak doan" direla esatea "falazia hutsa" da, "horien mantenua ordaindu egin behar delako".
EH Bilduk eta Elkarrekin Bizkaiak, bestalde, garraiolariek bizi duten "egoera zaila" nabarmendu dute, eta horientzako laguntza-plan bereziak aldarrikatu dituzte. Halaber, bidesariak ezartzekotan, sektorearekin adostutako formulen bidez egiteko eskatu dute, kaltea ahalik eta txikiena izan dadin.
Azkenik, kontra bozkatu duen talde popularraren izenean, Eduardo Andrade bozeramaileak "bidegabetzat" jo du kanona, eta gaineratu du erabaki horrek erregaien prezioekin itota dagoen sektorea are gehiago estutzea ekarriko duela.
Garraiolarien protesta
Neurria onartuko zela jakin zutenetik, haserre dira garraiolariak eta gaur elkarretaratzea egin dute Gernikako Batzar Etxearen atarian, goizeko 08:30ean, Asotrava eta Hiru elkarteek deituta. Bidesariak ezartzea gogor salatu dute, eta garraio sektorea babesteko neurriak eskatu dituzte:
Garraiolariei ezarriko zaien kanona "kontu publikoen defizit orokorrari aurre egiteko eta zulo hori estaltzeko" neurria dela esan dute. Gainera, garraiolarien iritzian, "neurri baztertzailea da, ez delako errepideen erabiltzaile guztientzat jarri, eta garraio astuna soilik jarri dute jomugan".
Halaber, erabakia "une jasangaitz" batean etorri dela salatu dute garraiolariek, "erregaien prezio altuek eragindako krisi garaian". Hori dela eta, berehalako laguntzak eskatu dituzte "neurri zigortzaileak ezarri beharrean".
Zure interesekoa izan daiteke
EAEko apartamentu turistikoetako gaualdiak % 23,3 igo dira uztailean, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete berarekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.