2023arekin merkatu eta garestitu dena
Urte berria hastearekin batera, Espainiako Gobernuak zein autonomiek ekonomiaren inguruan hartutako hainbat neurri sartu dira indarrean. Ondorioz, oinarrizko produktuen prezioak eta garraioekin lotutako zerbitzuak aldatu egin dira.
Urtarrilaren 1arekin batera sartu dira indarrean aldeketok:
Ogia, esnea eta esnekiak, arrautzak, barazkiak, lekaleak, zerealak eta frutak, BEZik gabe
Produktu horien ohiko BEZa % 4koa da, baina urtarrilaren 1etik ekainaren 30era erabat kenduko da.
Olioa eta pasta, % 5arekin
Produktu horien ohiko BEZa % 10ekoa da, baina urtarrilaren 1etik ekainaren 30era % 5ekoa izango da.
Haragiak eta arrainak % 10eko BEZarekin mantenduko dira, eta gainerako produktuak, BEZ tasa orokorrarekin ( % 21).
Esanguratsua al da BEZaren jaitsiera?
Esperimentua egin du ETBk. Online supermerkatu batean atzo egindako erosketa bera egin dugu gaur, BEZ jaitsiera zein neurritan nabari daitekeen ikusteko. Oinarrizko 12 elikagai sartu ditugu organ, barazkiak, arrautzak, ogia, esnea edo irina, esaterako, eta, BEZa jaitsita, atzo baino 1,59 € merkeago atera zaigu gaur erosketa.
Emakumeen higiene-produktuak eta preserbatiboak ere merkeagoak dira
Urtarrilaren 1 honetatik aurrera konpresak, tanpoiak eta emakumeen higiene-produtuak ere prezioz jaitsi dira, BEZa % 10etik % 4ra jaitsi baita. Legealdi osoan indarrean egongo da neurria eta preserbatiboei ere aplikatuko zaie. Ez ordea haur zein helduen pixoihalei.
Bidesarien prezioak igo egin dira
Aitzitik, gehiago ordaindu beharko da norbere autoa ibiltzerako garaian. Batetik, amaitu dira erregaia ordaintzeko laguntzak; eta bestetik, bidesarien prezioek, oro har, gora egingo dute, salbuespenak salbuespen.
Bilbo eta Donostia arteko autobidea garestiagoa izango da, baita "Supersur" errepidea eta Artxandako tunelak ere.
Dena dela, garraiolariek murrizketa izango dute Bizkaiko ordainlekuetan eta N-240 eta BI-625 errepideetan. Eta garraio publikoak ere deskontuak izango ditu Gipuzkoan.
Garraio publikoko deskontuak mantenduko dira 2023an
Azkenik, garraio publikoaren erabiltzaileek 2022an ezarritako deskontuekin jarraituko dute 2023 osoan. Renferen aldiriko eta distantzia erdiko trenak doakoak izango dira, eta beste erakundeen mendeko trenak eta autobus-lineak erdi prezioan egongo dira, hau da, % 50ean.
Renferen kasuan, hala ere, abonu berri bat atera beharko da gaurtik aurrera. Lau hilabeterik behin berritu beharko da, gero itzuli egingo diren 10 euroko fidantza baten truke.
Iazko abonurako ordaindutako 10 euroak berehala hasiko dira itzultzen automatikoki.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.