Soldaten igoera eta lan baldintzen hobekuntza izan dira aldarrikapen nagusiak Maiatzaren Lehenean
ELAko idazkari nagusi Mitxel Lakuntzak greba hauspotu du Maiatzaren Lehen honetan, "hitzarmen onak" eta "herrialde hobea eta bidezkoagoa" lortzeko bidean.
Euskal Autonomia Erkidegoan lidergoa duen sindikatuak ELAren eredu sindikala defendatu du ehunka afiliaturen, ordezkariren eta jarraitzaileren aurrean, Bilboko manifestazioari hasiera eman aurretik. Gainerako sindikatuetatik aldenduta, Bizkaiko hiriburuko Kale Nagusian egin du protesta ELAk, "Borrokan irabazteko" lelopean.
Lakuntzak berretsi du "gatazka" dela langileen erronkei bidea emateko modu bakarra, alegia, antolakuntza, militantzia eta greba direla "oinarrizko osagaiak".
"Grebei esker herrialde hobe bat lortzeko aukera dago, lan baldintza hobeak dituzten herrialdeek bizitza hobeak bermatzen baitituzte", erantsi du.
ELAren eta LABen arteko adostasun faltaz atsekabetuta, zera galdetu du: "Zer nahiago du patronalak: ELA eta LAB batera egotea ala LAB, UGT eta CCOO elkartzea?". "Bigarren aukera, noski", erantzun dio bere buruari, patronalak akordiorik merkeena bilatzen duela argudiatuta.
LAB: "Borroka sindikalen loraldia bizitzen ari gara"
LABeko koordinatzaile nagusi Igor Arroyok borrokaren beharrari egin dio azpimarra gaurko mintzaldian, aldaketak Elkarrizketa Sozialaren Mahaitik helduko ez direla iritzita. "Patronalari aurre egiteko garrantzitsua da batuta egotea", esan du.
Bilbon sindikatuak egin duen manifestazioaren atarian egin ditu adierazpenok Arroyok. LABek ez du gainerako sindikatuen ibilbidea egin.
ELAri zeharkako aipamena eginda, nabarmendu du ekintza sindikalaren helburua ez dela interesak ateratzea, "aurrerapausoak ematea" baizik.
"Gu geu ez ginen jaio sindikatu gisa hazteko. Bai hazi gara, baina beste asmo batekin jaio ginen, eta helburu horrekin jarraituko dugu aurrerantzean ere", azpimarratu du.
CCOO eta UGT: "Soldatak igo ezean, gatazka egongo da"
CCOOk eta UGTk batera egin dute protesta. Bi sindikatu horietako buruek, Loli Garciak eta Raul Arzak, mezu argia bidali diete enpresariei: "Soldatak igo eta irabaziak partekatzen ez badituzue, gatazka egongo da".
Berba horiekin laburbildu dute Maiatzaren Lehen honetako giltzarria. Bilbon egin dute protesta, sindikatu horietako ordezkarien, afiliatuen eta jarraitzaileen babesarekin.
Eneko Andueza PSE-EEren idazkari nagusia, Nora Abete eta Teresa Laespada Bilboko Alkatetzarako eta Bizkaiko Aldundirako hautagaiak, Idoia Mendia Lan eta Enplegu sailburua eta Patxi Lopez PSOEk Kongresuan duen bozeramailea ere izan dira Bilboko hitzorduan.
UGTko idazkari nagusiak, bestalde, administrazio publikoei galdegin die negoziazio prozesuetan parte har dezatela, Osakidetzako garbitzaileekin, erresidentzietako langileekin eta beste zenbait arlotako beharginekin piztutako gatazkei irtenbidea bilatze aldera.
Nafarroan, UGT eta CCOO sindikatuek soldata igotzea, prezioak jaistea eta etekinak banatzea eskatu dute Iruñean, Maria Chivite Foru Erkidegoko presidenteak parte hartu duen martxa batean. Bi sindikatuek elkarrizketa sozialaren balioa azpimarratu dute.
Bestalde, aparteko manifestazioak egin dituzten sindikatu abertzaleak ez daude ados elkarrizketa sozialarekin. ELAk UPNren ezkerreko alderdiei aurpegiratu die, Nafarroan zortzi aurrekontu onartuta, "egoera ekonomikoa iraultzeko gai ez izatea", Imanol Pascualek adierazi duenez. LABeko Imanol Carrerak Chiviteri gogorarazi dio "Nafarroako langileen erdiek ez dutela lan duinik edo diru-sarrera eskasak dituztela".
Mobilizazioak Ipar Euskal Herrian
Erretreten erreformaren testuinguruan, milaka pertsona atera dira Baionako karriketara, Frantziako Intersindikalak Maiatzaren Lehenerako deitutako manifestazio nagusian. 14 urteren ostean, protesta bateratua egin du Intersindikalak, Frantziako presidente Emanuel Macronen erreformaren aurrean protesta egiteko, baina gaurko honetan, bereziki, langileen soldatak eta lan baldintzak jopuntu hartuta. "Maiatzaren Lehen bateratu eta herrikoia, legea bertan behera uztearen alde" leloa aukeratu du horretarako. LABek toki eta ordu berean abiatu du protesta.
Zure interesekoa izan daiteke
Traktore batekin izandako istripuan larri zauritu zen gizona hil da Igantzin
Ezbeharra atzo gertatu zen, 14:08 aldera, Bordako Soroan. Gizona traktore txiki batekin ari zen lanean, eta harrapatuta geratu zen istripuaren ondorioz. Zauri larriak eragin zizkion istripuak.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
Euskal taxilariek Bilbo erdigunea kolapsatu dute VTCen "inpunitatea" salatzeko
Kolektiboak hiru orduko lanuzteak egin ditu eta manifestazioa ere egin dute Bilboko kaleetan, Udaletxearen aurrean amaituta. VTC zerbitzuen "lehia bidegabea" salatu dute.
Denbora tarte zehatz batzuetan konfinamendua utzi eta kanpora atera ahal izango dira aire librean hazitako oiloak EAEn
Oilategietatik edo haztegietatik ateratzean, hegazti basatiekin kontaktua izatea saihestuko duen estalpe estiloko sistema bat erabili beharko da, hegazti-gripeak kutsatzea eragozteko. Bestelde, euskal erakundeek eta sektoreak jarraipen-mahai bat eratzea erabaki dute, gaixotasunaren bilakaera eta aplikatu beharreko neurriak aztertzeko.
Albiste izango dira: EAEko aurrekontuen negoziazioa, hegazti gripeari aurre egiteko jarraipen batzordea eta abortuaren aurkako protestak egin zituzten 21 lagunen aurkako epaiketa
Gaurkoan Orain-en albiste izango direnen laburpena, bi hitzetan.
Jaurlaritzak bilera deitu du astelehen honetarako hegazti gripearen konfinamenduari salbuespenak bilatzeko
Hainbat neurri proposatu dituzte, hala nola aske dauden hegaztien ustiategiak sareekin estaltzea, aire zabalean ematen duten denbora murriztea edota zaintza indartzea, une bakoitzean dagoen arrisku-mailaren arabera. Eusko Jaurlaritzako, aldundietako eta hegaztien sektoreetako ordezkariak izango dira bileran.
ELA eta LAB ez dira Torresekin bilduko, Parlamentuak gutxieneko soldataren herri-ekimena baztertu eta gero
Bi sindikatu horiek, gainera, iragarri dute auzitara eramango dutela Confebask, gai horri buruz hitz egiteko "negoziazio mahaia eratzeari uko egiteagatik", justiziak "patronalaren negoziatzeko betebeharra bete dezan".
Urte arteko KPIa hamarren bat jaitsi da EAEn, % 3,2ra arte, eta % 2,7 igo da Nafarroan
Elikadura eta elektrizitatea dira Hegoaldean gehien garestitu direnak.
Arrautza ekoizle txikiek kezkaz hartu dute itxialdia, ekoizpena jaitsiko delako
EITB Erlia Arrautza Ekologikoak etxeko Amaia Arriagarekin izan da. 500 oilo dituzte eta ekologikoan egiten dute ekoizpena. Duela urte batzuk ere antzerako egoera bizi izan zuten arren, oiloek biziko duten estresarekin kezkatuta dago. Badaki arrautzen ekoizpenak behera egingo duela eta itxialdia ahalik eta motzena izatea espero du.
Amaia Barredok beharrezkotzat jo ditu kautelazko neurriak hegazti gripearen hedapena prebenitzeko
Elikadura, Landa Garapen, Nekazaritza eta Arrantza sailburuak erantzukizuna eskatu du, eta Ministerioak agindutako neurriak arrisku handiko une batean datozela adierazi du. Era berean, hegazti gripearen jarraipena egiteko batzordea sortuko dela eta astelehenean, azaroaren 17an, bilduko dela iragarri du.