Laboral Kutxak Hego Euskal Herriaren 2024rako hazkunde aurreikuspena hobetu eta % 2 inguruan kokatu du
Laboral Kutxaren aurreikuspenen arabera, Euskal Autonomia Erkidegoko (EAE) ekonomia % 2 haziko da aurten, abenduan aurreikusi zuena baino sei hamarren gehiago. Enplegua, berriz, % 1,8 haziko dela, eta, ondorioz, langabezia tasa % 7,5ean kokatu dela uste du. Era berean, Nafarroako ekonomia aurten % 2,1 haziko dela aurreikusten du, iazko abenduan % 1,4ko hazkundea iragarri bazuen ere.
2024ko hazkunde aurreikuspenak berritu ditu Laboral Kutxak eta horren berri eman dute Joseba Madariagak eta Ibon Urgoitik gaur goizean Bilbon eskaini duten prentsaurrekoan.
Pasa den abenduan EAEko ekonomiaren hazkundea moteldu eta % 1,4an kokatuko zela iragarri zuen. Horrez gain, enpleguak % 1,1 gora egitea eta langabezia tasa % 8koa izatea espero zuen.
Azkenean, ordea, aurtengo hazkunde aurreikuspena sei hamarren hobetu du Laboral Kutxak, besteak beste, urteko lehen hiruhilekoan ekonomiaren bilakaera espero baino hobea izan delako. Hala ere, Espainiakoaren (% 2,4) azpitik haziko da EAEko ekonomia.
Ekonomiaren "susperraldi ziklikoak" ahalbidetu du, Laboral Kutxaren arabera, ekonomia aurreikuspenak hobetzea. Halaber, industrian izandako "hobekuntza" mantentzea espero du, beti ere sektoreak Europan izango duen bilakaeraren zain. Joseba Madariagaren esanetan, hazkundearen hiru zutabeak zerbitzuak, lan merkatua eta kontsumoa izango dira.
BPGren datu onak Nafarroan
Bestalde, Nafarroako ekonomiaren datuak aldatu egin dira, Barne Produktu Gordinaren (BPG) lehen hiruhilekoko datu onek eta erosketa-kudeatzaileen indizeak lagunduta, gora egin baitu, nahiz eta Europako manufaktura-sektoreak bilakaera txarra izan.
Horiek dira Javier Cortajarena Nafarroako lurralde zuzendariak, Urgoitik eta Madariagak gaur, Iruñean, aurkeztutako Laboral Kutxaren Nafarroako ekonomiari buruzko balantzearen ondorio nagusiak.
Datuen hobekuntza horren atzean, eraikuntza, zerbitzu eta industria sektoreak izan duten bultzada nabarmendu dute. Hala ere, industriak ez du bilakaera hain dinamikoa izan Nafarroan, inbertsio-ondasunen ekoizpenak pisu handiagoa duelako eta energiak eragin txikiagoa duelako Estatu osoarekiko.
Zure interesekoa izan daiteke
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.