Albiste izango dira: EAEko aurrekontuen gidalerroak, sanferminak, eta Frantziako gobernu osaketa
Honako gai hauek hartuko dituzte gaur, 2024ko uztailaren 9an, hedabideetako lerroburu nagusiak:
- EAEko aurrekontuen gidalerroak: Eusko Jaurlaritzak datorren urteko aurrekontuak egiteko jarraibide ekonomikoak aurkeztuko ditu gaur, Lehendakaritzan. Dokumentua Noël d'Anjou Ogasun eta Finantza sailburuak aurkeztuko du, asteroko gobernu bileraren ondorengo agerraldian, 12:00etan. Aipaturiko gidalerro ekonomikoak hurrengo urteko aurrekontuak diseinatzeko erabili ohi dira.
- Sanferminak: San Fermin jaien harira, laugarren festa eguna dute Iruñean. Aurtengo hirugarren entzierroa izango da eta Victoriano del Rio (Madril) ganadutegiko zezenak izango dira protagonista. Iruñeko Udalak egindako azken balantzearen arabera, sanferminak hasi zirenetik zazpi sexu eraso izan dira eta bost lagun atxilotu dituzte. Azken sexu erasoen berri izan ondotik, mugimendu feministak prentsaurrekoa eskainiko du eguerdian.
- Frantziako gobernu osaketa: Fronte Herritar Berriaren garaipenaren ondoren, Asanblea Nazionala ziurgabetasun giroan murgilduta geratu da. Izan ere, ezkerrak eta Macronen alderdiak eskuin muturra hirugarren posizio batera zokoratzea lortu badute ere, blokeetako batez ere ez du eraginkortasunez gobernatzeko behar den gehiengoa lortu (289 diputatu behar dira gehiengo absolutua lortzeko). Gauzak horrela, aukera bat izan daiteke Gobernua eta Presidentetza kolore desberdinetakoak izatea. Intsumisoek, sozialistek, ekologistek eta komunistek osatutako Fronte Herritar Berriak (NFP) dagoeneko iragarri du aste honetan bertan lehen ministrorako hautagai bat izendatuko duela.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.