Albiste izango dira: Arabako eta Bizkaiko anbulantziak, Navarreteko kamikazea eta Meloniren deportazio plana
Honako gai hauek hartuko dituzte gaur, 2024ko urriaren 22an, hedabideetako lerroburu nagusiak:
- Arabako eta Bizkaiko anbulantzien zerbitzua: Eusko Jaurlaritzako Osasun Sailak eta La Pau kooperatibaren zuzendaritzak bilera egingo dute gaur, Arabako eta Bizkaiko anbulantzia zerbitzuaren arazoak aztertzeko eta kontratua eten ala ez erabakitzeko. Sorpresarik ezean, Osasun Sailak ia ziurtzat jotzen du kontratua eten egingo dela eta zerbitzua beste enpresa batzuek eskainiko dutela. Arabako eta Bizkaiko anbulantzietako zerbitzua azaroaren 30erako esleituta egotea espero du Eusko Jaurlaritzak, baldintza "zorrotzagoak" ezarrita.
- Navarreteko kamikazea: Navarreten (Errioxa) emakume haurdun baten heriotza eragin duen gidari kamikaze nafarra gaur eramango dute epailearen aurrera. Gizona, 46 urtekoa eta San Adriango bizilaguna, AP-68 autobidean kontrako noranzkoan gidatzen ari zen, hildako emakumearen autoaren aurka talka egin zuenean. Gidari nafarrak positibo eman zuen alkohol eta droga proban.
- Meloniren deportazioen plana: Epaileei entzungor egin eta egoera irregularrean iritsitako pertsona migratzaileak deportatzeko planarekin aurrera jarraitzeko asmoa du Italiak. Giorgia Meloni lehen ministroaren gobernuak dekretu bat onartu du Albaniako deportazio zentroak blindatzeko helburuz. Hain zuzen ere, pertsona migratzaileak datozen "herrialde seguruen" zerrenda legez ezarriz saihestu nahi du Justiziaren debekua.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.