Albiste izango dira: Greba hezkuntza publikoan, Guardian enpresaren itxiera Laudion eta omnibus dekretua
Honako gai hauek hartuko dituzte gaur, 2025eko urtarrilaren 22an, hedabideetako lerroburu nagusiak:
- Greba hezkuntza publikoan: 12 eguneko greba zikloa hasiko da unibertsitatez kanpoko Euskal Autonomia Erkidegoko hezkuntza publikoan, irakasleen lanuztearekin. Lehenengo greba hori dela eta, Arabako, Bizkaiko eta Gipuzkoako irakasleek manifestazio nagusia Bilbon egingo dute gaur, 11:30etik aurrera, Eusko Jaurlaritzaren egoitzatik Arriaga antzokiraino. Irakasleak urtarrilaren 23an eta otsailaren 26an eta 27an ere mobilizatuko dira.
- Guardian enpresaren itxiera Laudion: Guardian Glass multinazionalak Laudion duen lantegia itxi egingo du ekainean eta bertan lan egiten duten 171 beharginak kaleratuko ditu. Konpainiak azaldu duenez, "matxura" izan dute labean, eta "ezin izango dute konpondu". Horrek eragin omen du enplegu erregulazio espedientea. Eusko Jaurlaritzak enpresarekin hitz egingo duela jakinarazi du, "inbertsio berriekin jarduerari eusten" saiatzeko.
- Omnibus dekretua: Energia enpresa handien gaineko zerga, hainbat neurri sozial bere baitan hartzen dituen omnibus dekretua eta pentsioen erreformari buruzko dekretua bozkatuko dituzte Espainiako Diputatuen Kongresuan. EAJk eta Juntsek enpresa energetikoei ezarritako zerga berezia luzatzearen aurka bozkatuko dute, eta, hortaz, ez da aurrera aterako. Omnibus dekretuari dagokionez, ez dago argi Kongresuaren babesa izango duen ala ez. Pentsioen erreformari buruzko dekretuak, ostera, behe ganberaren argi berdea jasoko du PPk esana baitu babestu egingo duela.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".