Zerga-erreforma kolokan, EH Bilduk eta PPk EAJren eta PSE-EEren azken testuari ezetz esan baitiote
Euskadiko erreforma fiskala kolokan dago. Izan ere, EH Bilduk eta PPk uko egin diote EAJk eta PSE-EEk Podemosekin adostu zuten testua oinarri hartzeari negoziazioei heltzeko.
Jeltzaleek eta sozialistek beste alderdi baten babesa behar dute Gipuzkoako eta Arabako Batzar Nagusietan, lurralde horietan ez dutelako gehiengo osoa.
Testuinguru horretan, Nerea Kortajarena EH Bilduren bozeramaileak kritikatu du "ultimatuma" dela EAJk Podemosekin hitzartutako testua negoziazioetarako oinarritzat jo izana.
Koalizio subiranistaren hitzetan, "beste talde batekin negoziatutako proposamen bat" mahaigaineratu diete. "Orain, EAJk eta PSE-EEk ohartarazi dute azken minutura arte prest egongo direla negoziatzeko, baina, aldi berean, hori dela haien azken proposamena", gaineratu du.
PPk ere atzera bota du Podemosekin adostutako negoziazioa oinarri hartuta negoziatzea, eta bere zuzenketak "zerotik" negoziatu nahi ditu.
Hori horrela, Javier de Andres EAEko PPren presidenteak uste du alternatiba izan daitekeela EAJk ezkerreko taldeekin adostutakoaren aurrean.
Bien bitartean, PSE-EEren eta Podemos Euskadiren buruak, Eneko Andueza eta Richar Vaquero, bildu dira gaur, sozialistek abiatutako bilera-sortaren baitan.
Foru Ogasunen agerraldi bateratua
Bestalde, hiru aldundiek agerraldi bateratua egitea erabaki dute, negoziazioen egoeraz informatzeko.
Hain zuzen ere, Itziar Agirre, Itziar Gonzalo de Zuazo eta Itxaso Berrojalbiz Gipuzkoako, Arabako eta Bizkaiko Ogasun eta Finantza diputatuek egingo dute agerraldia bihar, osteguna.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestituko dira litroko gaurtik aurrera, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.