Bilbon indarkeria erabilita lapurretan aritzen zen gazte talde bat atxilotu dute
Ertzaintzak hiru gazte atxilotu zituen atzo Bilbon beste gaztetxo batzuei indarkeria erabiliz lapurreta egiteagatik. Horrez gain, beste bost adingabe identifikatu eta ikertuko dituzte delitu berberengatik.
Bilboko hainbat auzotan nerabeei egindako 17 lapurreta leporatu diete talde horri, Josu Gontzon Lujua Ertzaintzaren Bizkaiko buruzagiak Erandioko ertzain-etxean emandako prentsaurreko batean zehaztu dutenez. Zortzi gaztetxo horiek nolabaiteko harremana zuten Ibon Urrengoetxea zornotzarraren heriotzan nahasitako bi adingabeekin.
Azaroaren amaieran izan zuen Ertzaintzak Bilboko Deustu auzoan indarkeria edo beldurra erabiliz egindako hainbat lapurretaren berri. Informazio hartan oinarrituta, Ertzaintzak areagotu egin zuen zaintza eta ikerketa bat jarri zuen abian.
Bata bestearen atzetik beste hainbat lapurreta egin zituzten hiriburuko beste auzo batzuetan, hala nola, Indautxun, Santutxun eta Begoñan.
Biktimek esandakoaren arabera, lapurrak beti taldean ibiltzen ziren. Normalean adingabea zen biktimarengana hurbiltzen ziren eta debekatutako tresnekin, besteak beste, borra luzagarriekin edo ukabil amerikarrekin, mehatxatuta dirua, telefono mugikorrak, jantziak edo bestelako balioko objektuak kentzen zizkioten. Kasuren batean zakur bat ere erabili zuten biktima beldurtu eta euren helburua lortzeko.
Ertzaintzak abian jarritako ikerketaren ondorioz atxilotu zituzten atzo, osteguna, hiru adingabe, eta dagozkion polizia-izapideak egin ondoren aske geratu ziren.
Hirurak Adingabeen Fiskaltzak noiz deituko zain daude. Era berean, beste bost adingabe identifikatu zituzten eta ikerketapean geratu ziren; horiek ere Fiskaltzak noiz deituko zain daude.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.