Gai penaletarako aretoko bost magistratuek ebatziko dituzte 'La Manada'ko helegiteak
Nafarroako Auzitegi Nagusiaren gai penaletarako aretoaren bost magistratuek ebatziko dituzte lau akusazioek eta bi defentsek aurkeztutako helegiteak, 'La Manada' auzian.
Nahiz eta Botere Judizialaren Lege Organikoak sala osatzeko hiru magistratu nahikoak direla aurreikusi, aretoak idatziko du ebazpena, hau da, sala osatzen duten bost magistratuek.
Nafarroako Lurralde-auzitegiak bost akusatuei 9 urteko espetxe-zigorra ezarri zien apirilaren 26an, 18 urteko gazte bati 2016ko uztailaren 7an, Iruñean, sexu-abusuak egitea egotzita.
Honenbestez, fiskalak, akusazio partikularrak eta bi herri-akusazioek (Iruñeko Udala eta Nafarroako Gobernua) zein defentsako bi abokatuk aurkeztutako apelazio-errekurtsoak Nafarroako Justizia Auzitegi Nagusiko gai penaletarako salak ebatziko ditu, hau da, bost magistratuk.
Arlo zibileko eta zigor-arloko salak horrela erabaki du ebazpen judizial batean, auziaren “inguruabar bereziak” kontua hartuta, Nafarroako Auzitegi Nagusiak jakitera eman duenez. Erabakiari helegitea aurkezteko aukera dago.
Botere Judizialeko Lege Organikoaren 196. eta 197. artikuluen arabera, legeak aurreikusi ez dituen auzietan hiru magistratu nahikoak dira sala osatzeko.
Hala ere, “aretoa osatzeko magistratu guztiak deitzeko aukera izango da, nahiz eta legeak ez eskatu, presidenteak edo salako gehiengoak justizia banatzeko beharrezko ikusten duenean”, azaltzen du.
Zure interesekoa izan daiteke
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.