Kontsumobidek 84 arrandegi ikuskatuko ditu gaurtik aurrera
Kontsumobide Kontsumoko Euskal Institutuak eta Eusko Jaurlaritzako Ekonomiaren Garapena eta Azpiegiturak Saileko Arrantza eta Akuikultura Zuzendaritzako Arrantza Ikuskaritza Zerbitzuak arrain freskoaren etiketak eta trazabilitatea ikuskatzeko kanpainaren bigarren fasea hasiko dute gaur, maiatzaren 7an. Ikuskatzaileak Euskal Autonomia Erkidegoko (EAE) 84 arrandegi, supermerkatu eta hipermerkatutan izango dira araudia betetzen dela egiaztatzeko.
Eusko Jaurlaritzak azaldu duenez, 2018an araudia betetzen ez zuten establezimenduei ere egingo diete ikuskaritza, baita beste berri batzuei ere, eta etiketatuan hutsak zuzendu ez dituztela ziurtatuz gero, zigorra ezarri ahal izango diete.
Kontsumobideko ikuskatzaileek egiaztatuko dute saltokiek exijitzen zaien nahitaezko informazioa eskaintzen ote dieten kontsumitzaileei, salgaien etiketetan, karteletan edo taulatxoetan.
Jaurlaritzak gogorarazi duenez, Europar Batasunak (EB) behartu egiten ditu saltokiak espezieen izen komertziala eta izen zientifikoa erakustera, baita alea itsasoan edo ur gezan harrapatua izan den edo haztegikoa den, arrainak harrapatu diren urak nongoak diren edo haien hazkuntza aldia amaitu den herrialdea, erabilitako arrantza arteak, edota produktua aurretik desizoztu den. Gainera, derrigorrezkoa da prezioa adieraztea.
Trazabilitatea
Horrez gain, derrigorrezkoak diren erreklamazio orriak saltokian ote dauden egiaztatuko dute, baita bezeroei orri horiek eskura dituztela adierazten dieten kartelak ere.
Halaber, Arrantza eta Akuikultura Zuzendaritzako Arrantza Ikuskaritza Zerbitzua arduratuko da trazabilitatea analizatzeaz, eta horretarako arrantzako produktuekin batera aurkeztu beharreko dokumentazioan biltzen diren datuak ziurtatuko dituzte: harrapatu, garraiatu eta banatu direnetik kontsumitzaileen eskueran jarri diren arte.
Zure interesekoa izan daiteke
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.