Belaguako eta Herrerako mendateak itxi dituzte elurragatik
Bernardo, udazkeneko bigarren ekaitz edo depresioa, autoen joan-etorria zailtzen ari da hauteskunde egun honetan.
Nafarroan, hainbat tokitan egin du elurra igandeko lehen orduan, Iruñerrian adibidez. Autoak zuritu ditu, baina ez du asko iraun. Gasteizen ere, elurra egin du eguerdi aldera.
Arabako hainbat mendatetan, arazoak izan dira, eta itxi eta ireki ibili dira goizean zehar. Une honetan, horrela dago egoera:
Euskal Autonomia Erkidegoan:
Herrerako mendatea itxita dago, elurragatik.
Gainera, kateak behar dira Opakuan.
Ertzaintzak kontuz ibiltzeko gomendatzen du.
Nafarroa:
Belaguako mendatea itxi dute elurragatik, baita Otsagabia eta Irati arteko errepidea (Na-2012, 7. kilometrotik aurrera) eta Zaraitzu eta Iparraldea lotzen dituena (Na-2011) ere.
Gainera, kateak behar dira Aralarko San Migelen eta Otsagabia eta Irati arteko errepidean (Na-2012) 0. kilometrotik 7.era.
Igande honetan indarrean diren abisuak
Bizkaia eta Gipuzkoa alerta laranjan daude kostaldean. Izan ere, 6 metrorainoko olatuak izan daitezke.
Gainera, euriagatik abisu horia ezarrita dago EAEn eta Nafarroan. EAEn, 18:00ak arte 60 litro pilatu daitezke 24 orduan. Nafarroan, 24:00ak arte egongo da indarrean abisua eta 50 litro pilatu daitezke 12 orduan.
Elurragatik ere ezarri dute abisu horia Euskal Herri osoan, 24:00ak arte. 1.000 metrora edo beherago egingo du elurra.
Zure interesekoa izan daiteke
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Maialen Mazonen hilketaren epaiketa martxan da, herri-epaimahaia hautatuta
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, hamasei urte bi abortu delituengatik (bikiez haurdun zegoen, zortzina urteko zigorra ezarri nahi diote) eta 4 urte adingabea abandonatzeagatik.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Pertsona bat zauritu da Donostiako Herrera auzoko pabiloi batean, ustez eragindako sute batean
Beste hiru lagun tokian bertan artatu dituzte, kea arnasteagatik. Lehen ikerketen arabera, itxuraz, sutea nahita piztu dute. Udaltzainek hainbat pertsona atxilotu dituzte, eta ez dute baztertu gehiago atxilotzea, ikerketa oraindik irekita baitago.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.