Abisu horia euriagatik, igande gauera arte
Eusko Jaurlaritzako Segurtasun Sailak abisu horia ezarri du euriagatik larunbat eta igande honetarako EAEn. Larunbateko 18:00etan aktibatuko da abisua eta bere horretan mantenduko da igandeko 18:00ak arte.
Kantauri isurialdeko hainbat puntutan, metro koadroko 60 litro ur pilatu daitezke 24 ordutan. Gainera, ekaitza eta kazkabarra izango da han-hemenka.
Gainera, 21:00etik hasita, elurragatik ere abisu horia ezarri dute EAEn, 1.000 metrora egin dezakeelako. Abisua igandeko 24:00ak arte egongo da indarrean. Goizaldean 800-900 metrora jaitsi daiteke elur-kota.
Iganderako eguraldi txarra iragarri du Euskalmetek. Euria zarra-zarra egingo du, kostaldean batez ere, eta kazkabarra ere bai. 18:00ak arte indarrean izango da abisu horia. Itsasoan ere abisu horia egongo da egun osoan zehar, olatu handiengatik.
Nafarroan ere bi abisu hori ezarri ditu AEMET Meteorologia Agentziak, gaurko 21:00etatik aurrera.
Batetik, Nafarroa iparraldean, Kantauri aldera jotzen duen aldean, euriagatik ezarri dute abisu horia igandeko 24:00ak arte. 12 ordutan 12 mm pilatu daitezke.
Bestalde, Nafarroako Pirinioetan, elurragatik ezarri dute abisu horia igandeko 24:00ak arte. 800 metrotan izango da elur-kota eta elurra 1.000 metrotik gora pilatzen hasiko da.
Iparraldean ere antzeko egoera izango da. Meteofrance agentziak gaurko 18:00etatik aktibo izango ditu hiru abisu hori: haizeagatik, euriagatik eta elurragatik gainaldeetan.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.