23 hildako gehiago EAEn eta hildakorik ez Nafarroan, azken orduetan

EAEn, 2.421 dira zenbatutako positiboak, eta 1.005 lagun ospitaleratu dituzte. Nafarroan, 24 pertsona hil dira eta 886 kasu positibo daude jada; 92 gehiago.

Hildakoen kopurua 120ra igo dira Euskadin, 23 heriotza berri erregistratu ostean

EITB.EUS

2020/03/23 - 13:42

Azken eguneratzea

2020/03/23 - 16:23

Orain arte, 886 koronabirus kasu positibo erregistratu dituzte Nafarroan, hau da, 92 gehiago. Foru Erkidegoan 24 pertsona hil dira.

Positibo emandako kasu guztien artean, 339 ospitaleratu dituzte, horietatik 40 zainketa intentsiboetako unitatean; igandean baino 10 gehiago. Gainerakoak (547) etxean daude, eta jarraipena egiten ari zaie, Nafarroako Gobernuak emandako datuen arabera.

Bestalde, koronabirusa zutenen artean, zazpik alta jaso dute jada.

Bideoa: Koronabirusak Estatuan kaltetutakoen datuak:

Iragarkia

18:00 - 20:00

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.