Hezkuntza plan "errealista" eta adostua eskatu dute EH Bilduk eta Podemosek
EH Bilduk eta Elkarrekin Podemosek Eusko Jaurlaritzari eskatu diote hezkuntza komunitatearekin adostu dezala Hezkuntza Sailak aurkeztu duen ebaluaziorako eta normaltasunera itzultzeko plana, eta horrelako dokumentu batek neurri "argiak eta errealistak" planteatu behar dituela ohartarazi dute.
Bi alderdiek legez besteko proposamen bat erregistratu dute Eusko Legebiltzarrean, eta, koronabirusaren pandemia dela eta, aurrez aurreko irakaskuntza-jarduera bertan behera uztearen aurrean premiazkoa dela hezkuntza-komunitatearekin "adostutako irtenbidea" hartzea ikasturtea amaitzearen inguruan nabarmendu dute.
EH Bilduk eta Elkarrekin Podemosek hezkuntza-sistema osatzen duten eragile, sindikatu eta erakundeekin adostu dezala Hezkuntza Sailak aurkeztu duen plana eskatu diote Jaurlaritzari. Plan horretan, ikasleen azken ebaluazioak egiteko irizpideak ezartzen dira, eta irakaskuntza-jarduera presentzialera pixkanaka itzultzen hasteko aukera aipatzen da.
ELA sindikatuak kritikatu egin du Hezkuntza Sailak ikasturtea ixteko jarraibideak iragarri izana hilaren 29rako sindikatuekin deituta duen bileraren aurretik.
ELAren ustez, Eusko Jaurlaritzak "nahiko argi utzi du asmoa ikasle batzuk ikasturtea amaitu baino lehen eskola presentzialetara itzultzea dela", eta sindikatu horrek baztertu egiten du hori, "hezkuntza komunitate osoaren eta, beraz, gizarte osoaren osasuna eta segurtasuna arriskuan jar dezakeelako".
LAB sindikatuak ikasturte amaierarako Hezkuntza Planak ez diela "hezkuntza komunitatearen beharrei erantzuten" uste du, eta, gainera, "astebeteko atzerapenarekin iristen da, gutxienez".
Zentral abertzaleak atzerapen hori "ulertezina" dela uste du. Izan ere, "Madrildik ezarritako jarraibideei jarraitzen die planak, eta Isabel Celaa Hezkuntza ministroak iragarritako malgutasun-elementu txikiak baino ez ditu sartzen", adierazi du sindikatuak.
Ikasturte amaierako plana hezkuntza komunitatearekin adostu behar zela uste du Steilas sindikatuak. Izan ere, "bizitzen ari garen krisi egoerak prozedurak behar ditu, eta, ahal izanez gero, adostutako erabakiak".
Sindikatuak ohar batean azaldu duenez, Hezkuntza Sailak hartutako neurri guztiek eragina dute langileen lan-baldintzetan, baina "gaur egun ez dago inolako negoziazio esparrurik aldaketa horiei guztiei heltzeko, ezta ikastetxeei 2020/21 ikasturterako eman beharko zaizkien baliabideak negoziatzeko ere". Hori dela eta, gai hori lantzen hasteko eskatu du.
Ikastolen Elkarteak "positibotzat" jo du zentro bakoitzak bere ebaluazio propioa egitea, horrek aukera ematen baitu "ebaluazio hezigarri bat egiteko", "ikasketa-prozesuan oinarritutako ebaluazioa, bizitzen ari garen egoerari egokitutakoa, ikasle bakoitzaren inguruan eginikoa, beti ere, kontutan izanda ikasle asko egoera berezian daudela, arlo guztietan (emozionalean, teknologikoan, ekonomikoan, familiarrean…)”.
Zure interesekoa izan daiteke
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.