Kanpo-auditoria batek Zaldibarko zabortegiaren ingurumen-baimena aztertuko du
Ingurumen, Lurralde Plangintza eta Etxebizitza Sailak kanpo-auditoria bat eskatu du, Zaldibarko zabortegia kudeatzeaz arduratu den Verter Recycling enpresari emandako ingurumen-baimen integratuan (IBI) ezarritako baldintzak zenbateraino bete eta kontrolatu diren zehazteko helburuarekin. Bertan, otsailaren 6an luizia gertatu zenetik, desagertuta dauden bi langileen bila jarraitzen dute.
Kanpo-auditoriak bi helburu nagusi ditu. Lehendabizi, Verter Recycling enpresaren instalazioari bere garaian emandako ingurumen-baimen integratuaren baldintzak nahikoa zorrotzak ziren aztertzea, eta bai aplikatzekoa zen legeriari bai Zaldibarkoaren ezaugarriak zituen hondakin ez-arriskutsuen zabortegi baten operazio-baldintzei behar bezala erantzuten zieten zehaztu nahi da. Bestetik, Ingurumen Sailburuordetzako Ikuskaritza Zerbitzuak denboran zehar enpresaren jarduera behar bezala gainbegiratu ote duen ikusi nahi da, zabortegiaren operatiboa eta IBIa betetzen zirela egiaztatuta.
Verter Recycling enpresak 2007ko urtarrilean eskuratu zuen Zaldibarko industria-jatorriko hondakin ez-arriskutsuen zabortegia zabaltzeko ingurumen-baimen integratua. Alabaina, 2011ko martxoaren 24ra arte zabortegiari ez zioten hondakinak jasotzen hasteko baimenik eman, IBIaren aldaketa bat onartu ondoren.
Verter-ek IBIa betetzen eta kontrolatzen ote zuen jakiteko kanpo-auditoria honetaz gain, Ingurumen, Lurralde Plangintza eta Etxebizitza Sailak luizia gertatu izanaren arrazoiei buruzko peritu-txosten bat eskatu du.
Kanpo-auditoria egiteko Ricardo Energy & Environment enpresa kontratatu du Ingurumen Sailak. Besteak beste, energiaren, ingurumenaren eta teknologiaren esparruetan ibilbe handia duen enpresa da. Ingurumen-aholkularitzan burutu duen lana zortzi arlo nagusitara bideratu da: hondakinen kudeaketa eta baliabideen errendimendua, energia, ingurumena (inpaktuaren ebaluazioa, ekologia, nekazaritza eta arrisku kimikoa barne hartuz), negozio iraunkorrak, klima-aldaketa, airearen kalitatea, uraren kudeaketa eta garraio iraunkorra.
Albiste gehiago gizartea
Euskara larrialdi egoeran dago, eta 2036rako arnasgunerik gabe geratzeko bidean
UEMAren eskariz Siadeco-k egindako ikerketa batek erakusten duenez, hamar urteren bueltan euskararen ezagutza maila apalagoa aurreikusten da eta inguruan erdarak izango dira nagusi. Azken 30 urteotan hezkuntza-arautuko hizkuntza eredu euskaldunei esker eusten dio EAEk euskaldunen pisuaren hazkundeari. Nafarroan, oinarri horren faltan, behera egiten hasiko da.
Covid iraunkorra eta zeliakia gaixotasun kronikoen zerrendan sartu dituzte
Espezialisten eta pazienteen iritzian, aurrerapausu handia izango da, bai gaixotasunaren tratamenduan, baita egunerokotasunean behar dituzten laguntzetan ere. Bi gaitz horiekin batera, polioaren ondorioak eta min kroniko ez-onkologikoa ere sartu dituzten zerrendan.
9 urteko espetxe-zigorra berretsi diote 15 urteko alabari sexu-erasoak egin zizkion gizonari
Amak alabaren aurka deklaratu duen arren, Nafarroako Justizia Auzitegi Nagusiko Arlo Zibileko eta Zigor-arloko Salak adingabearen testigantza "sinesgarria, fidagarria eta koherentea" dela adierazi du, baita "oso zehatza" ere. Hori dela eta, Probintzia Auzitegiak apirilean ezarri zion zigorra berretsi du orain.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Zergatik ikusten dira hain emakume gutxi entzierroetan?
Sanferminetako entzierroan emakumeek lehen aldiz parte hartu zutenetik 50 urte igaro diren arren, oraindik ere entzierroa korritzen duten emakumeen kopurua gizonena baino askoz txikiagoa da. Emakumearen presentziak gora egin du ia alor gehienetan azken hamarkadetan, baina zergatik ez da gauza bera gertatzen entzierroetan?
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte hezitzaile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?