Arrazakeria "instituzionala eta soziala" salatu dute EAEko hiru hiriburuetan
Milaka pertsonak arrazakeria "instituzionala eta soziala" salatu dute Euskal Autonomia Erkidegoko hiru hiriburuetan. Era berean, George Floyd estatubatuarra gogora ekarri dute.
Elkarretaratzeak CNAAEk deitu ditu. Afrikako komunitate beltza eta afrikar jatorriko ondorengoak biltzen ditu elkarteak. Bilbon eta Gasteizen 11:00 abiatu dira protestak, eta ordubete geroago Donostian.
Bizkaiko hiriburuan, ehunka pertsonak elkarretaratzea egin dute Justizia Jauregiaren aurrean, Albia lorategian, 'Arrazakeriak Euskadin ere hiltzen eta baztertzen du. Zure isiltasuna konplizea da' lelopean.
Era berean, mugetako berehalako kanporatzeen, Poliziaren eta atzerri legearen aurkako kartelak erakutsi dituzte manifestariek. 'Black lives matter', 'arrazakeria pandemia da' edo 'paperak guztientzat' aldarrikatu dute. Protestaren une batean manifestariak belauniko jarri dira ukabilak goian zituztela.
"George Floyden hilketa arrazista eta Mediterraneoan gertatzen diren milaka heriotzak Europan eta Espainiako Estatuan nagusi den arrazakeri instituzional eta sozialaren adibide argiak dira", salatu dute.
Antolatzaileek manifestu bat irakurri dute. Pertsona beltzen "egiturazko pobrezia", laneko esplotazioa eta "aukera falta" salatu dute.
Manifestariak maskarekin Donostian. Argazkia: EFE
Era berean, ehunka pertsonak parte hartu dute Donostiako manifestazioan, SOS Arrazakeriak deituta. Manifestariek zortzi minutu belauniko eman dituzte, George Floydek itobeharrean eman zuen denbora tartea gogorarazteko.
Manifestazioa 12:00ak aldera hasi da Boulevard Zumardian, eta Antiguoko auzora arte ibilbidea egin du. Mobilizazioak "aurreikuspen guztiak gainditu ditu", aitortu dute antolatzaileek Boulevardeko kioskoan.
"Stop Arrazakeria. Arrazakeriari egunero egiten zaio aurre. Black Lives Matter" lelopean protesta egin dute. Euskaraz eta gaztelaniaz ohar bat irakurri dute manifestazioaren amaieran. George Floyden hilketaren ondotik ospetsu egin den "bizitza beltzak axola zaizkigu" oihua "Europar Batasuneko herrialdeetarako ere" balio duela adierazi dute.
Arrazakeriak eta xenofobiak "pertsona guztiak aske eta berdin diren, giza eskubideen errespetuan oinarritutako bidezko gizarte demokratikoak eraikitzea eragozten dute", azpimarratu dutenez.
Manifestariek pankarta ugari erakutsi dituzte Donostian. Argazkia: EFE
Zure interesekoa izan daiteke
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.