Mugak ixtearen eragina ezagutzeko inkesta egingo du euroeskualdeak
Akitania Berria-Euskadi-Nafarroa euroeskualdeak inkesta bat egingo du COVID-19aren krisiak eragindako egoerak mugaz gaindiko proiektuak eta harremanak zein mailatan eragin dituen ezagutzeko. Inkesta euroeskualdearen webgunean dago, eta igandea da betetzeko azken eguna.
Galdetegiaren emaitzak ekaina bukaeran edo uztaila hasieran aurkeztuko dira, "abian diren proiektu multzoak lehenbailehen berpizteko eta mugaren itxierak hiritarrengan eta eragileengan izan dituen kalteak ahalik eta gehien murrizteko txosten bat argitaratuz", Eusko Jaurlaritzako iturriek jakinarazi dutenez.
Eusko Jaurlaritzaren arabera, azken bost urteetan, euroeskualdeak bere jardueraren "hazkunde nabarmena" izan du, lurraldeon arteko arlo ezberdinetako proiektu eta elkarlanak ugaritu baitira, besteak beste, hezkuntzan, berrikuntzan, ikerketan, mugikortasun eta garraioan, enpleguan, kulturan, kirolean edo laborantzan.
"Izan ere, hiru lurraldeen arteko proiektuetan parte hartu duten erakunde eta bazkide publiko zein pribatuen kopurua esponentzialki handitu da. Hartara, mugaren itxierak eragin duen egoera ezagutzea eta zein heinetara egoera horrek proiektuak eta proiektuetako bazkideen parte hartzea arriskuan jar ditzakeen jakitea ezinbestekoa zaigu", azaldu dute.
Horrela, mugen itxierak gaurdaino eragin duen egoeraren jakitun (harreman ekonomiko, kultural, familiar, sozial eta abarren gelditzea), Akitania Berria-Euskadi-Nafarroa euroeskualdeak sareko galdetegi bat prestatu du "testigantzak batu eta mugaz gaindiko bizimoduaren errealitatea ezagutu eta ulertzeko asmoz".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.