Bilbon izandako hilketaren ustezko egileetako bat kartzelan sartu dute
Ekainaren 10ean Bilbon gazte bat labankada batez hiltzea egotzita atxilotutako hiru lagunetako bat espetxeratzea agindu du Barakaldoko (Bizkaia) epaile batek, Eusko Jaurlaritzako Segurtasun Sailak jakitera eman duenez.
Ertzaintzak epailearen esku utzi ditu gaur goizean hiru atxilotuak, horietako bi Bilboko epaitegietan eta bat Barakaldon. Horren ostean, atxilotuetako bi aske geratu dira, eta hirugarrena, Barakaldokoa, Basauriko espetxean sartuko dute.
Gertakaria joan den asteko asteazkenean izan zen, 22:30 aldera, Salazar Jeneralaren kalean. Biktimari labankada bat eman zioten hankan, eta larri zaurituta utzi zuten. Erasotzaileek ihes egin zuten, eta biktima Ertzaintzako agenteek artatu zuten lehenengo eta osasun langileek gero. Alabaina, hurrengo egunean hil zen, ospitalean.
Ertzaintzak ikerketa ireki zuen, eta Bizkaiko Lurralde Ikerketa Zerbitzuko Hilketa Taldeak bere gain hartu zuen horren ardura. Ikerketaren ondorioz, 18, 21 eta 30 urteko hiru gizonezko atxilotu zituzten ostiralean eta igandean.
Lehenengo biak ekainaren 12an atxilotu zituzten Bilbon, eta hirugarrena, hilaren 14an, Barakaldoko etxebizitza batean. Gazteenak Udaltzaingoaren egoitza batean aurkeztu zuen bere burua, Ertzaintza bere bila zebilela jakin ondoren.
Agenteek hiru etxebizitzak miatu zituzten, horietako bat Barakaldon. Bertan atxilotu zuten 30 urteko susmagarria; hirugarrena, berriz, Bilbon atxilotu zuten, etxean. Gertakariekin lotutako arropa eta bestelako ebidentziak aurkitu zituzten agenteek bertan.
Ertzaintzaren arabera, erasoan erabilitako arma zuria labana bat izan zen. Egileek edukiontzi batera bota zuten, eta ez dute aurkitu oraingoz. Droga-trafikoarekin lotutako zor bategatik izandako kontu-garbitze bat izan zela uste dute ikertzaileek.
Atxilotuetako bik polizia-aurrekariak dituzte. Epailearen esku geratu dira astelehen honetan, Bilbon, eta epaileak aske utzi ditu. Hirugarren atxilotua Barakaldoko epaile baten aurrera eman dute deklaratzera, eta honek kartzelara bidali du deklarazioa hartu ondoren.
Zure interesekoa izan daiteke
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.