Aste honetako txertaketa bermatuta dago EAEn
Osasun agintariek ezarritako covid-19aren kontrako txertaketa planari jarraiki, astelehenean Pfizer-BioNTeck txertoaren dosi berriak heldu beharko lirateke Euskal Autonomia Erkidegora.
Espainiar Estatura Belgikatik etorritako hegaldi batek astelehen goizaldean eramango omen ditu aste honetako dosiak Barajasko aireportura (Madril). Filomena denboraleak mugikortasun arazo larriak eragin ditu Madrilen, eta aireportua itxita egon da ostiral gauetik. Hala ere, Espainiako Gobernuaren Garraio eta Barne ministroek dosiak heltzeko lanean daudela esan dute.
Aurreko asteetan Madril, Bartzelona, Gasteiz, Valentzia eta Sevillako aireportuetara heldu dira dosiak, eta handik banatu dituzte autonomia erkidego guztietara. Hain zuzen, Forondako aireportuetatik sartu dira EAE, Nafarroa, Kantabria, Asturias, Gaztela eta Leon eta Aragoirako txertoak.
Aste honetako bidalketaren inguruan zalantzak sortu dira. Elurrak eta izotzak penintsula erdialdean sortutako arazoei abenduan bidalketa atzeratu zuten ekoizpen arazoak gehitzen zaizkie.
Foronda, Barajasen ordez
Eusko Jaurlaritzaren Osasun sailari galdetuta EITB Mediak jakin ahal izan duenez, "gure esku ez dagoen zerbait bada ere, gaur egun aurreikuspenak lehengo berberak dira. Hau da, bihar txertoen dosiak helduko dira orain arte bezala, Forondatik".
Zentzu horretan, Osasun Ministerioarekin batera, Barajas ordezkatzeko aukerak aztertzen ari direla esan du Fernando Grande-Marlaska Barne ministroak; izan ere, Madrilgo aireportutik hegaldiak aireratzen hasi dira dagoeneko, baina oraindik hegazkinek ez dute lur hartzerik.
Ondorioz, Arabako aireportua Espainiako Estatu osoarentzako txertoen helmuga izan daiteke. Forondak logistika “guztiz prest” du, bertatik txertoa errepidez Madrilera eramateko, ministroak azaldu duenez.
“Norabide batean zein bestean txertoaren hornidura bermaturik dago”, errepikatu du.
Edozein kasutan, Sailak gogorarazi du "Euskadik txertoen erreserba estrategiko bat gordetzea erabaki zuela, eta horri esker, aste honetako txertaketa bermatuta dago".
Laborategiekin adostutako plangintzaren arabera, goizaldean Pfizer/BioNTech konpainien 350.000 txerto dosi berri helduko dira Espainiara, Osasun Ministerioak jakitera eman duenez.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.