Txertaketen auziaz kontsulta egin du Sagarduik Jaurlaritzaren Etika Batzordean
Osakidetzan izan ziren txertaketa irregularren harira kontsulta egin du Gotzone Sagardui Osasun sailburuak Eusko Jaurlaritzaren Etika Batzordean. Hala iragarri du Iñigo Urkullu lehendakariak Eusko Legebiltzarrerako Kontrolerako saioan.
Izan ere, oposizioko alderdiek hainbat galdera egin dizkiote lehendakariari txertaketa kanpainaren inguruan. Rebeka Ubera EH Bilduko legebiltzarkideak, esaterako, Sagarduiren dimisioa eskatu du. Horren ustez, "sailburua ez da gai izan besteei eskatzen dizkien ardurak bere buruari exijitzeko. Are gehiago, zuek jokabide hori babestu duzue. Lehendakari batek babestu dezake herritarrei, Legebiltzar honi egia esan ez dien edo gezurra esan dien, sailburu bat?", galdetu du.
BIDEOA | EH Bilduk Sagarduiri txertaketen inguruan gezurretan ibiltzea leporatu dio
Erantzunean, Urkulluk Sagardui babestu du eta adierazi du Osasun Sailaren buru izaten jarraitzeko "baldintzak betetzen" dituela. "Sailburuak Eusko Jaurlaritza guztiaren eta une honetan Legebiltzarraren gehiengoaren babesa du, egia esan duelako eta gardentasun osoz aritu delako".
Miren Gorrotxategi Elkarrekin Podemos-IUren legebiltzarkideak ere itauna egin du txertaketa kanpainan izandako irregulartasunez, eta erantzukizun politikoak eskatu ditu. Horrez gain, EAJko zein buruzagi txertatu dituzten ere galdetu du.
Lehendakariak nabarmendu duenez, Osasun Sailak egindako ikerketak eta emandako azalpenak "azkarrak eta osoak" izan dira. "Gertakarien arabera, bi irregulartasun larri izan dira, eta atzeman, argitu eta garbitu egin dira. Gertaerek erakusten dute erreakzioa berehalakoa, irmoa eta gardena izan dela. Horrela izaten jarraituko du ", gaineratu du.
Urkulluren esanetan, ez da akatsik edo disfuntziorik ezkutatu edo ukatu, eta ezin da bermatu etorkizunean akatsik ez izatea, ezta prozedura guztiak perfektuak izatea ere.
Bestalde, Carlos Iturgaiz PP+Cs koalizioko parlamentario eta Euskadiko PPko buruak ere Sagarduiren dimisioa eskatu du. Horren ustez, "kaosa begi bistakoa da, eskandalu hutsa". Horregatik, uste du sailburua "gaitasungabetuta" dagoela karguan jarraitzeko, eta Urkulluri irregulartasunen auzi honetan "negazionista" izatea egotzi dio; "herritarrek erantzukizunak eskatzen ari dira", argudiatu du.
Amaia Martinez Voxeko legebiltzarkideak estu hartu du Urkullu, eta irregulartasunek gizartearengan "mesfidantza" sortzen dutela nabarmendu du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.