Santa Marinako agerraldian langile bat, 14 gaixo eta 6 laguntzaile kutsatu dira
Gotzone Sagardui Osasun sailburuak adierazi duenez, Santa Marina ospitalean izandako covid-19aren agerraldian 14 gaixo, sei laguntzaile eta profesional bat kutsatu dira. Sailburuak gaineratu du ustez langileak txertoa jarrita zuela, zentro horretako langile guztiei eman baitzieten txertoa duela aste batzuk.
Gobernu kontseiluaren osteko prentsaurrekoan, Sagarduik esan du, hiru baheketa egin dituztela gaixoen artean, bi profesionalen artean eta bat bosgarren solairuko gaixoen laguntzaileen artean. Gainera, itxi, garbitu eta desinfektatu egin dute solairu hori.
Langile batek positibo eman duela eta txertoa jarrita ote zuen galdetuta, Sagarduik esan du "pentsatzekoa" dela "txertoa jarrita" zuela, ospitaleko langile guztiei "duela aste batzuk" jarri baitzieten. Kasu honetan, pertsona horren osasun egoera zein den ikusi beharko litzatekeela uste du sailburuak, eta gogorarazi du txertaketek ez dituztela "kutsatzeak erabat saihesten".
Osasun Sailaren arabera, duela 10 egun lehenengo positiboa agertu zenetik, hainbat neurri hartu dituzte birusa zabaltzea galarazteko, tartean koarentena ezarri die gertuko kontaktuei eta baheketak egin dituzte.
Baheketari eta kontaktuen jarraipenari esker, positibo eman duten pertsonak identifikatu dituzte, eta kutsatzeak gelditzeko neurriei eutsiko diete. Gainera, covid-19aren zein aldaera den zehaztea eskatu du ospitaleak.
Zentro hau polemikaren erdigunean izan zen urtarrilean. Orduan, jakin zen 20 bat pertsonak txertoa jaso zutela ez zegokienean, tartean zuzendaritzako kideek, zenbait ordezkari sindikalek eta ospitalekoak ez ziren beste langile batzuek ere bai. Hori dela eta, Jose Luis Sabas zuzendari nagusiak dimisioa eman zuen.
Zure interesekoa izan daiteke
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.