AstraZenecaren txertoa jasoko duten 30 talde iragarri ditu Osakidetzak
80 eta 90 urte bitarteko euskal herritarrak aste honetan hasiko dira covid-19aren aurkako txertoa jasotzen, Osakidetzak egindako aurreikuspenen arabera. Halaber, Euskal Osasun Zerbitzuak iragarri du AstraZenecaren txertoa hartuko dutela 55 urtetik beherako 30 bat taldek; besteak beste, fisioterapeutek, albaitariek, dentistek, arrantzaleek eta supermerkatuetako kutxetan lanean ari direnek.
Gobernu Kontseiluaren osteko agerraldian, Gotzone Sagardui Osasun sailburuak Euskal Autonomia Erkidegoan txertaketa kanpaina nola doan azaldu du.
Haren esanetan, 90 urtetik gorako 23.491 pertsona txertatu dituzte dagoeneko, eta horietatik 1.568k etxean jaso dute txertoa. Era berean, azaldu du asmo dutela aste honetan abiatzea 80 eta 90 urte bitartekoen txertaketa.
Bestalde, azpimarratu du, AstraZenecaren txertoak erabilita, txertaketa arinduko duela Osakidetzak. Kasu horretan, Pfizerren eta Modernaren txertoekin alderatuta, luzeagoa da bigarren dosia jasotzeko epea (hiru hilabeteko epea du, hain zuzen ere; besteek aldiz, hiru astekoa).
Behin taldeak zehaztuta, datozen egunetan "ahalegin berezia" egingo dute ahal den pertsona kopuru handiena txertatzeko, Sagarduik esan duenez.
Nolanahi dela, argitu du Eusko Jaurlaritzak txertoak gordetzeko estrategiari eutsiko diola, bigarren dosia bermatze aldera. "Hiru hilabeteko epeak aukera ematen digu hainbat dosi gordeta edukitzeko", nabarmendu du.
Sagarduiren hitzetan, 55 urtetik beherako zenbait taldek ere jasoko dute txertoa aste honetan bertan; oraindik txertatu ez dituzten ertzainek, poliziek, guardia zibilek, suhiltzaileek, etxez etxeko zerbitzua eskaintzen duten profesionalek, hezkuntza arloko langileek, kartzeletako funtzionarioek eta botikariek, adibidez.
Talde berriak
Gainera, esan bezala, beste hainbat talde iragarri ditu:
- Bilboko eta Pasaiako portuko profesionalak
- Auzitegiko Medikuntzako Euskal Erakundeko profesionalak
- Fisioterapeutak
- Osasun Publikoko laborategietako pertsonala
- Unibertsitateaz kanpoko irakasleak.
- Gazteen justizia-zentroetako langileak
- Psikologiako profesionalak
- Podologiako profesionalak
- Optometristak
- Albaitariak
- Hortz-protesigileak
- Arrantzaleak
- Aterpetxeetako profesionalak
- Edo iragaitzazko migratzaileen eta errefuxiatuen harrera-zentroetako profesionalak
Horiez gain, garraio publikoko beharginek, gizarte arloko langileek, supermerkatuetako kutxetan lan egiten dutenek eta presoek ere jasoko omen dute aurki txertoa. "Dosi berriak heldu ahala, talde berriak sortzen joango gara", jakinarazi du.
Hitzordu berriak
55 urtetik beherako EAEko ikastetxe publikoetako eta itunpeko ikastetxeetako irakasleek eta gainerako hezitzaileek covid19-aren aurkako txertoa hartzeko hitzordua eskatu ahal izango dute bihartik aurrera Osakidetzaren webgunean.
Ospitaletako egoera
Sagarduik adierazi duenez, hobera egin du ospitaletako egoerak EAEn. Guztira, 255 pertsona daude logela arruntetan, aurreko astean baino 13 gutxiago.
ZIUn, berriz, 336 ohe dauzkate, eta horietatik % 75,89 daude beteta. Dena den, covid-19ak jota dauden gaixoek oheen herena betetzen dute.
Birusaren aldaerak
Gutxi gorabehera EAEn dauden covid-19 kasuen % 50 aldaera britainiarrarekin lotu dituzte.
Zure interesekoa izan daiteke
30 lagunetik gora harrapatuta geratu dira Zumaiako flyschean
Algorri hondartzan egiten ari dira erreskatea. Bertan, ezustean harrapatu ditu mareak txangozaleak.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.