EAEko ikastetxeetako 16.700 langilek badute txertatzeko hitzordua
EAEko unibertsitatez kanpoko ikastetxeetako 16.700 langilek txertoa jartzeko hitzordua hartu dute asteazken honetan Osakidetzako webgunearen bidez. 2.183 pertsonak gaurko eskatu dute zita.
Osakidetza gaur hasi da covid-19aren aurkako txertoa jasotzeko hitzorduak ematen hezkuntza arloan, bai Hezkuntza Publikoan, bai itunpekoan. Hitzorduak Osakidetzako web orrialdean eskatu daitezke datorren martxoaren 15a bitarte, eta ikastetxeetako jantokian, sukaldean, garbiketan, atezain lanetan, administrazioan eta garraioan aritzen direnek ere txanda hartu dezakete. Guztira 35.000 langile inguru dira.
55 urte edo gutxiago dutenek eta azken 6 hilabeteetan koronabirusa pasatu ez dutenek soilik hartu dezakete hitzordua, AstraZenecaren txertoa erabiliko baitute.
Hitzordua hartzeko epea, gaurtik astelehenera arte egongo da zabalik eta txanda eskatzeko, nahikoa da Osakidetzak SMS bidez hezkuntza-langileei bidali dien estekan klik egitea. Mezu hori jaso ezean, zuzenean sar daiteke Aurretiko-zita zerbitzuan, Osakidetzaren web-orriaren eta aplikazioaren bidez.
Lasaitasunerako deia egin du Gotzone Sagardui Osasun sailburuak; izan ere, guztiek jasoko dute euren txerto dosia. Sistema berriarekin lehen orduan zenbait arazo izan badira ere, sailburuak esan du berehala konpondu direla. Antza, uneren batean motel joan da web-orria, jende asko aldi berean sartu baita.
Aste honetan, bestalde, honako hauekin hasiko da txertaketa prozesua:
- Bilboko eta Pasaiako portuko profesionalak
- Auzitegiko Medikuntzako Euskal Erakundeko profesionalak
- Fisioterapeutak
- Osasun Publikoko laborategietako pertsonala
- Unibertsitateaz kanpoko irakasleak.
- Gazteen justizia-zentroetako langileak
- Psikologiako profesionalak
- Podologiako profesionalak
- Optometristak
- Albaitariak
- Hortz-protesigileak
- Arrantzaleak
- Aterpetxeetako profesionalak
- Edo iragaitzazko migratzaileen eta errefuxiatuen harrera-zentroetako profesionalak
Halaber, honako talde hauentzat txertaketa prestatzen ari dira:
- Garraio publikoko pertsonala
- Etxeetan arreta ematen duten udaletako gizarte-langileak.
- Supermerkatuetako kutxetako pertsonala.
- Eta presoak
Txerto horiek dosiak jaso ahala emango dira. Sailburuak azaldu duenez, Pfizer eta Modernaren txertoekin alderatuta, AstraZenecaren txertoaren bigarren dosia jasotzeko epea luzea da: 3 hilabetekoa.
Bien bitartean, adineko pertsonen txertaketak aurrera darrai. 90 urtetik gorako 23.491 pertsonak jaso dute dagoeneko txertoa , eta horietatik 1.568 lagunek etxean jaso dute.
Aste honetan 80 urtetik gorako pertsonak txertatzen hasiko dira; Osakidetzak telefonoz deituko die hitzordua eskaintzeko eta dosiak nola eta noiz emango zaizkien zehazteko.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbat lagun espedientatu dituzte Gasteizko bi diskoteketan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatako segurtasun-dispositibo banatan egindako prebentzio-operatiboetan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.