Pertsona bat hil da N-1ean, Lasarte-Orian, ibilgailua errepidetik irten ostean
Pertsona bat hil da N-1 errepidean, trafiko istripuan, Lasarte-Orian (Gipuzkoa), bere ibilgailua errepidetik irten eta erdibitzailearen kontra jota. Legazpiarra zen eta 60 urte zituen.
Hildako pertsona ibilgailuko gidaria zen, eta berarekin zihoan laguna zauritu egin da.
Istripua 19:00etan izan da N-1ean, Gasteizko noranzkoan.
Larrialdi zerbitzuak bertaratu dira, baina ezin izan dute ezer egin gizonaren bizitza salbatzeko.
Ezbeharraren ondorioz bi noranzkoetako ezkerreko erreiak itxi behar izan dituzte. Peugeot 307 autoa Lasarte-Oriatik N-1errepidera sartu denean gertatu da istripua. Ibilgailua errepidetik atera da, eta erdibitzailearen aurka talka egin du.
Ertzaintza, osasun langileak eta suhiltzaileak bertaratu dira, eta autoan zihoazen bi bidaiariak (gizon eta emakume bat) artatu dituzte.
Biak erreskatatu ondoren, gizona suspertzen saiatu dira, biktima konorterik gabe baitzegoen, baina ezbeharra izan den tokian bertan hil da.
Emakumea, aldiz, onik atera da, baina antsietate-atakea izan du, eta tokian bertan artatu behar izan dute.
Bi noranzkoetako ezkerreko erreiak itxi behar izan dituzte errepidea garbitzeko eta autoa kentzeko. Ondorioz, auto-ilarak sortu dira.
Biktimaren gorpua Donostiako Auzitegiko Medikuntza Zerbitzura eraman dute, epailearen aginduz, eta Ertzaintzak ikerketa abiatu du istripuaren arrazoiak argitzeko.
Bestalde, txirrindulari bat oso larri zauritu da N-634 errepidean, Aian (Gipuzkoa), auto batek harrapatuta. Ford Fiesta autoko gidaria "alkoholaren eraginpean gidatzeagatik ikertzen ari dira".
Zure interesekoa izan daiteke
Polarizazioa alde batera uzteko eskatuz hasi du Leon XIV.a aita santuak Espainiara egindako bisita
Madrilera iritsi denean, Felipe VI .a eta Letizia errege-erreginek, Pedro Sanchez Espainiako Gobernuko presidenteak eta hainbat agintarik egin diote harrera. 130.000 pertsona zain zituen Madrilgo kaleetan, Errege Jauregiaren eta Nuntziaturaren artean. Iluntzean, 500.000 gazte elkartu ditu otoitz egiteko.
Santurtzik Euskal Eskola Publikoaren jaia ospatuko du igandean "Ehunetan" lelopean
Musika, kultura, gastronomia, jolasak eta haur, gazte zein helduentzako jarduerak izango dira, eskola publiko inklusibo, euskaldun eta berritzaile bat aldarrikatzeko bidean.
Bi gizon atxilotu dituzte Gipuzkoan 24 pertsona legez kanpo garraiatzea egotzita
Ertzaintzak bart atxilotu ditu, Oiartzunen eta Andoainen 13 eta 11 bidaiari zeramatzaten bi furgoneta geldiarazi ostean, azken horretako bidaiarietako bi maletategian zihoazela.
Emakume bat gasolindegi batean erditu da, Lizarran
Bai ama eta bai haurra ondo daude, Udaltzaingoak jakitera eman duenez.
Bidetik atera da eta eraikin bat jo du Na-7012 errepidean, Eritzen
20 urteko emakume bat zauritu da larunbat goizean Na-7012 errepidean, Eritzen, errepidetik atera eta eraikin baten aurka talka eginda.
Gladys del Estal gogoratu dute Donostian, haren hilketaren 47. urteurrenean
Omenaldia egin diote goizean Gipuzkoako hiriburuan. Tuteran hil zuen Guardia Zibilak Gladys del Estal, 1979ko ekainean, protesta ekologista eta bakezale batean.
Herritarren erdiek Adimen Artifiziala erabiltzen duten erremintak erabiltzen dituzte
EITB Focusek Adimen Artifizialaren erabilera aztertu du.
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu larunbata eta ekainaren 12a bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jendetza joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont foruzainei azken agurra eman eta senideak babestera.