Pertsona bat hil da N-1ean, Lasarte-Orian, ibilgailua errepidetik irten ostean
Pertsona bat hil da N-1 errepidean, trafiko istripuan, Lasarte-Orian (Gipuzkoa), bere ibilgailua errepidetik irten eta erdibitzailearen kontra jota. Legazpiarra zen eta 60 urte zituen.
Hildako pertsona ibilgailuko gidaria zen, eta berarekin zihoan laguna zauritu egin da.
Istripua 19:00etan izan da N-1ean, Gasteizko noranzkoan.
Larrialdi zerbitzuak bertaratu dira, baina ezin izan dute ezer egin gizonaren bizitza salbatzeko.
Ezbeharraren ondorioz bi noranzkoetako ezkerreko erreiak itxi behar izan dituzte. Peugeot 307 autoa Lasarte-Oriatik N-1errepidera sartu denean gertatu da istripua. Ibilgailua errepidetik atera da, eta erdibitzailearen aurka talka egin du.
Ertzaintza, osasun langileak eta suhiltzaileak bertaratu dira, eta autoan zihoazen bi bidaiariak (gizon eta emakume bat) artatu dituzte.
Biak erreskatatu ondoren, gizona suspertzen saiatu dira, biktima konorterik gabe baitzegoen, baina ezbeharra izan den tokian bertan hil da.
Emakumea, aldiz, onik atera da, baina antsietate-atakea izan du, eta tokian bertan artatu behar izan dute.
Bi noranzkoetako ezkerreko erreiak itxi behar izan dituzte errepidea garbitzeko eta autoa kentzeko. Ondorioz, auto-ilarak sortu dira.
Biktimaren gorpua Donostiako Auzitegiko Medikuntza Zerbitzura eraman dute, epailearen aginduz, eta Ertzaintzak ikerketa abiatu du istripuaren arrazoiak argitzeko.
Bestalde, txirrindulari bat oso larri zauritu da N-634 errepidean, Aian (Gipuzkoa), auto batek harrapatuta. Ford Fiesta autoko gidaria "alkoholaren eraginpean gidatzeagatik ikertzen ari dira".
Zure interesekoa izan daiteke
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.