Asteazken honetan iritsiko dira EAEra Janssenen lehen txertoak
Euskal Autonomia Erkidegoak asteazken honetan jasoko ditu Janssenen txertoaren lehen dosiak, guztira 6.850. Gotzone Sagardui Osasun sailburuak astearte honetan jakitera eman duenez, txerto horiek 70 eta 79 urte bitarteko pertsonei emango dizkiete, eta joan-etorriak "zailagoak" izan daitezkeen eremuetara ere zuzenduko dituzte; izan ere, dosi bakarrarekin nahikoa da immunizatzeko.
Gobernu Kontseiluaren osteko prentsaurrekoan Sagarduik esan du orain arte 558.000 txerto jarri dituztela Euskal Autonomia Erkidegoan, herritarren ia % 18,75. Guztira 412.658 pertsonak jaso dute gutxienez dosi bat, eta 147.219k (% 6,69) lortu dute immunitate handiena.
80 urtetik gorako pertsona guztiek jaso dute txertoa, txertaketa-guneetara joan ezin izan dutenek edo txertoa etxean jaso behar dutenek salbu. Joan den asteburuan, bestalde, Osakidetzak 60.000 dosi inguru jarri ditu.
Gainera, atzo Pfizerren 70.207 dosi iritsi ziren EAEra. AstraZenecari dagokionez, Espainiako Gobernuak espero zituen dosien erdiak jaso ditu, eta hortaz, EAEk ere agindutakoa baino dosi gutxiago jaso ditu. Bihar Janssenen lehen 6.850 txerto iristea espero da.
AstraZenecaren bigarren dosiak
Sagarduik prentsaurrekoan gogorarazi duenez, ez dago argi AstraZenecaren bigarren dosiarekin zer gertatuko den. Bere hitzetan, maiatzean betetzen da farmazialariaren fitxa teknikoak ezarritako denbora, eta Osasun Publikoaren Batzordeak immunizatzeko jarraitu beharreko irizpidea ezarri arte itxaron behar da.
Une honetan, egoerari aurre egiteko hiru agertoki daudela esan du. Lehenengoa AstraZenecaren bigarren dosia ematea litzateke, jarraibide osoa osatuz; bigarrena, bigarren dosia ez jartzea eta lehenak ematen dien immunitatearekin uztea; eta hirugarrena, "ikerketa zientifikoen emaitzak ikusita, beste txerto baten bigarren dosia emateko aukera baloratzea".
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.