LABI deitu ala ez erabakiko du Urkulluk mahai teknikoaren osteguneko bileraren ostean
Iñigo Urkullu lehendakariak erabakiko du Euskadiko Babes Zibileko Planaren Aholku Batzordea, LABI instituzionala, deituko duen ala ez, datorren ostegunean mahai teknikoak egingo duen bileraren ostean; izan ere, mahai teknikoak covid-19aren bilakaeraren azken datuak aztertuko ditu, egoera "kezkagarria" baita Euskal Autonomia Erkidegoan.
Bingen Zupiria Eusko Jaurlaritzako bozeramaileak jakitera eman duenez, Pedro Sanchez Espainiako presidenteak maiatzaren 9an alarma egoera altxatzeko borondatean atzera egiteko "berririk" ez dute.
Izan ere, komunikabideen bidez dakitenaren arabera, "hasiera batean, badirudi Espainiako Gobernuak ez duela bere jarrera aldatzeko asmorik", hau da, maiatzaren 9an alarma egoera desagertuko dela, eta gogorarazi du lantalde bat Euskadin egon daitezkeen aukerak aztertzen ari dela.
Iñigo Urkullu lehendakaria, Gotzone Sagardui Osasun sailburuarekin batera, LABIren Batzorde Teknikoaren bileran izan zen apirilaren 13an. Batzorde horrek egoera epidemiologikoa eta jarraitu beharreko planteamenduak aztertzen ditu.
Era horretan, Urkulluk eta Sagarduik, covid-19ak Euskadin izan duen bilakaera zehatz-mehatz ezagutzeaz gain, hurrengo hilabeteetako osasun-bilakaera zein izan daitekeen aztertu nahi zuten, bai eta egoera desberdinak ere, euskal administrazioek pandemiari aurre egiteko beharrezko neurriak har ditzaten, "baita alarma-egoera bertan behera uzten badute ere".
Lantaldeak
Ildo horretan, Bingen Zupiriak azpimarratu du badagoela azterketa hori egiten ari den lantalde bat, eta aurreikus daitezkeen agertoki desberdinak planteatzeko enkargua duela. Dena dela, datorren ostegunean LABIko mahai teknikoaren beste bilera bat izango dela uste du.
"Gaixotasunaren bilakaeraren eta bilera honetako ondorioen arabera, lehendakariak erabakiko du gainerako erakundeak bilera batera deitu ala ez", gaineratu du.
Albiste gehiago gizartea
Sutea Gizateriaren Ondare den Kordobako meskitan
Sua 21:00ak pasatxo zirenean hasi da, eta, batez ere, eraikinaren alde garaienari eragin dio. Meskitaren milaka urteko historian, aurretik bi sute baino ez ditu jasan: 1910ean, duela 115 urte, eta 2001ean, bigarrena.
Algen inbasioa Nojako Trengandin hondartzan
Kaltegarria ez den Asiako alga bat da, eta itsasoaren tenperatura altuagatik Kantauri itsasoan areagotzen ari da. Bizilagunen eta turisten arteko disgustua agerikoa da, eta batzuek uretara ez sartzea ere erabaki dute.
Kanibalismo arrastoak topatu dituzte Atapuercan
Ikertzaile talde batek beste kanibalismo kasu berri bat aurkitu du El Mirador kobazuloan, Atapuercako aztarnategian (Burgos). Duela 5.700 urte gertatu omen zen, Neolito amaieran, tokiko gatazken ondorioz, zeremonia edo erritualekin zerikusia duen zantzurik atzeman gabe. Lehen nekazari taldeen arteko liskarrak ohikoak ziren, eta oso bortitzak gainera. Beste tribuetakoak hiltzeaz gain, kanibalismoa praktikatzen zuten. Hala ere, badira kanibalismoaren ebidentziak beste aztarnategi askotan; adibidez, Isturitzen (Nafarroa Beherea).
Orain Jumillan edo lehenago Torre Pachecon gertatutakoaren atzean "asmo politiko garbia" ikusten du Othmanek
Zornotzan bizi den musulman honek ETBri esan dionez, baldintza soziekonomiko apaleko tokiak dira, baliabide gutxikoa bertako jendea, kanpotik lanera doana, "ia esklabutza egoeran" bada ere. Horren hitzetan, osagai horiek baliatzen dituzte "sumindura eragin eta etekin politikoa ateratzeko".
Elkartasun kanoikada batek piztuko du larunbat honetan Donostiako Aste Nagusiaren metxa
Udaletxetik jaurti ohi duten kanoikadak Elikagaien Bankua eta Amara Berriko Auzo Elkartea izango ditu protagonista aurten. Donostia Festak elkarteko ordezkariek prentsaurrekoa eskaini dute Aste Nagusiaren hasierari buruzko xehetasunak emateko.
Arantzazura eraman dituzte jada Donostian kalean bizitzen egon diren Maliko 50 migratzaileak
Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.
Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera
Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.
Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna
Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.
Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"
Lan-eskaintza publiko batzuetan euskararen ezagutzaren inguruan ezarritako baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako jarrera "hitzartua" egotea.