Legebiltzarra gaur hasiko da pandemiari aurre egiteko legea eztabaidatzen
Eusko Jaurlaritzak covid-19a ez hedatzeko hartutako neurriei babes juridikoa emateko lege-proposamena gaur hasiko dira Eusko Legebiltzarrean eztabaidatzen. Premiazko bidetik izapidetu dute, ekainerako onartu ahal izateko.
Eztabaida Espainiako Gobernuak maiatzaren 9an alarma-egoera amaituko dela iragarri ostean heldu da. Alarma-egoera luzatu ezean, oinarrizko eskubideei eragiten dieten murrizketak ezartzeko aukera galaraziko da. Ildo horretan, hainbat adituk EITB Median ohartarazi dutenez, etxeratze-agindua edo itxiera perimetrala ezingo dira alarma-egoerarik gabe ezarri.
EAJk eta PSE-EEk aurkeztutako testuak ordenatu egiten ditu orain arte dekretu bidez onartutako murrizketak, eta lege izaera ematen die. Gainera, zigor-erregimen bat jasotzen du neurri horiek betetzen ez dituztenentzat.
Hain zuzen ere, legeak bost alerta maila, sei adierazle epidemiologiko eta arrisku maila bakoitzari egokitutako osasun- eta prebentzio-neurriak aurreikusten ditu.
Mailarik baxuenean, 14 egunean 100.000 biztanleko kasu positiboen 60ko intzidentzia-tasa metatuta dago, hori baita Jaurlaritzak diseinatutako pandemia kudeatzeko Bizi Berri Planean jasotako helburua. Kopuru horretatik jaisten den unean, murrizketak bertan behera geratuko dira.
Legearen arabera, gainera, Jaurlaritzak 15 egunean behin eman beharko dio osasun-neurri horien eta koronabirusaren bilakaeraren berri Legebiltzarrari, eta lehendakariak LABIren batzorde teknikoa edo krisia kudeatzeko laguntza teknikoko taldea zuzendu eta izendatuko duela ezartzen du.
Bideoa: Adituen iritzia
Oposizioaren kritikak
EAJk eta PSE-EEk bermatuta dute Ganberak legea onartzea, gehiengo osoa dutelako. PP+Cs taldeak aurreratu du aurka bozkatuko duela, Elkarrekin Podemos-IU abstenitu egingo da "seguru aski", eta EH Bilduk oraindik ez du argitu zer egingo duen.
Horren haritik, Maddalen Iriarte EH Bilduko bozeramaileak adierazi du espero duela jeltzaleak eta sozialistak "legearen hobekuntzari begira lan egiteko prest agertzea", eta ikusteko dagoela horiek "elkarrizketarako borondatea benetakoa" den.
Era berean, gaineratu du koalizio abertzaleak "ekarpenak" egingo dituela, egungo proposamenak "zigorrak arautu besterik ez duelako egiten".
Bestalde, PP+Cs talde parlamentarioak aurreratu du lege-proiektuaren aurka bozkatuko duela, gai hau Espainiako Gorte Nagusietan arautu behar dela iritzita.
Carmelo Barrio eta Luis Gordillo (PP+Cs) legebiltzarkideek kritikatu egin dute legea EAJk eta PSE-EEk aurkeztu izana, Jaurlaritzak egin beharrean, "txosten juridikoak egin behar izatea saihesteko". "Beste modu batera jokatu beharra dago eskubide eta askatasun murrizketekin lotura duten gaiekin", adierazi du Barriok, eta Botere Publikoek pandemia garaian nola jokatu behar duten Kongresuak arautu behar duela gaineratu du.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.