Hegoafrikako aldaera nagusi dela dio audio batek informazio faltsuarekin
Egun Erresuma Batuko koronabirus aldaera da nagusi Euskadin, osasun arduradunek eta Eusko Jaurlaritzako Osasun Sailak onartu dutenez. Hegoafrikako aldaeraren kasuak identifikatu dituzte, baina askoz gutxiago.
Hala ere, azken orduetan sare sozialetan bolo-bolo dabilen audio batek ziurtatu duenez, Donostiako eta Bidasoaldeko ospitaleak gainezka daude, ‘Afrikako’ aldaera Gipuzkoan sortzen ari den covid-19 kasu larrien ondorioz.
Emakume baten ahotsak azaltzen duenez, birusaren aldaerak “familia osoak ZIUra” eraman ditu, eta iturri bezala Bidasoaldeko ospitaleko erizain bat aipatzen du. “Gauzak nahiko oker omen daude, Afrikako anduia jadanik hemen dagoelako”, ohartarazi du.
“Bidasoaldeko eta Donostiako ospitaleak gainezka omen daude, eta ebakuntzak bertan behera utzi dituzte. Kontuz ibili, andui hau oso gaiztoa delako”, erantsi du.
Osakidetzak Brasilgo koronabirus aldaeraren 222 kasu zenbatu ditu orain arte, eta Hegoafrikako aldaeraren beste 54. Hala ere, Erresuma Batuko aldaerak nagusi izaten jarraitzen du.
Brasilgo eta Hegoafrikako aldaerek eragindako kasuen gorakada nabarmena izan da, apirilaren 20ko datuekin alderatuta.
Horrela, duela hiru egun Brasilgo aldaeraren 107 kasu zenbatu zituzten, eta orain 222 dira dagoeneko. Hegoafrikako aldaerari dagokionez, 46 baieztatu zituzten duela hiru egun, eta orain 54 dira.
Osasun Sailak onartu duenez, tokian toki aldaeren kutsadura kateak izan dira, baina aldaera britainiarrak nagusi izaten jarraitzen du. Hala ere, bi aldaera horiek hedatzen ari direla zehaztu du.
Gainera, azken asteetan Bizkaian eta Gipuzkoan aldaeren “zenbait kutsadura kate” izan direla esan du Sailak.
Era berean, Espainiako Osasun Alerta eta Larrialdien Koordinazio Zentroak azpimarratu zuenez, Erresuma Batuko aldaerak aurreko guztiak “azkar” ordezkatu ditu, eta nagusi da Europako herrialde gehienetan, baita Israelen ere.
“Kutsakorragoa da, eta litekeena da hilgarriagoa izatea”, onartu zuenez. Espainian “asko zabaldu da, eta azkar hedatu da azken asteetan”, gaineratu zuen.
Horrela, 11 erkidegotan kasuen % 70 da, eta beste 5 erkidegoetan positiboen % 90 baino gehiago.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.