Euskadi "intzidentzia altuaren balizko moteltze" baten aurrean egon liteke
Euskadi “intzidentzia altuaren balizko moteltze” baten aurrean egon litekeela uste dute Osakidetzako arduradunek; baina baieztatzeko “goizegi” da, “itxaron beharra dago”, erantsi dutenez. “Datozen egunetako datuak aztertzea beharrezkoa da”, esan dute. Hala ere, birusaren intzidentzia Euskal Autonomia Erkidegoan “oso handia” dela ohartarazi dute. Beraz, egoera epidemiologikoa “oso kezkagarria” da, azpimarratu dutenez.
Bestalde, Osakidetzak Brasilgo koronabirus aldaeraren 222 kasu zenbatu ditu, eta Hegoafrikako aldaeraren beste 54. Hala ere, Erresuma Batuko aldaerak nagusi izaten jarraitzen du.
Jose Luis Quintas Eusko Jaurlaritzako Osasun sailburuordeak eta Koldo Cambra Osasun Publikoko zuzendariordeak prentsaurrekoa eman dute, besteak beste, aldaera ezberdinen bilakaeraren berri emateko.
Brasilgo eta Hegoafrikako aldaerek eragindako kasuen gorakada nabarmena izan da, apirilaren 20ko datuekin alderatuta.
Horrela, duela hiru egun Brasilgo aldaeraren 107 kasu zenbatu zituzten, eta orain 222 dira dagoeneko. Hegoafrikako aldaerari dagokionez, 46 baieztatu zituzten duela hiru egun, eta orain 54 dira.
Osasun Sailak onartu duenez, tokian toki aldaeren kutsadura kateak izan dira, baina aldaera britainiarrak nagusi izaten jarraitzen du. Hala ere, bi aldaera horiek hedatzen ari direla zehaztu du.
Gainera, azken asteetan Bizkaian eta Gipuzkoan aldaeren “zenbait kutsadura kate” izan direla esan du Sailak.
Azkenik, UEFAk Bilbori Eurokopa kendu ondoren, San Mamesek publikoa hartzeko irizpideak hizpide izan ditu Osasun sailburuordeak: “Hirugarren mailako norgehiagoka edo abeslari baten musika kontzertu batentzako berdinak dira”.
% 25eko aforoa markatu zuten erakundeek. Jose Luis Quintasek ziurtatu duenez, Bizi Berri III Planak ezarritako osasun baldintzak dira.
Zure interesekoa izan daiteke
Nola baloratuko da euskararen ezagutza enplegu publikoan Lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "Abar", gaur egungo "hamar" zenbakiaren aurrekaria izan daitekeena
Aranzadi Zientzia Elkarteak egin du aurkikuntza, Irulegiko baskoien kanpamenduan (Aranguren Ibarra, Nafarroa). "Abar" inskripzioa, Irulegiko Eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Marisol Garmendia Espainiako Gobernuak EAEn duen ordezkariak eta Teresa Herraez poliziaburuak eman dituzte operazio horren xehetasunak, ostegun honetan Donostiako ertzain-etxean egindako agerraldian.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Bilboko kontsulatuak harremanetarako bideak jarri ditu herritarren eskura
Venezuelak Bilbon duen kontsulatuak hainbat bide jarri ditu herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.