Zupiriak babes komunitario "oso altua" aurreikusi du udazkenerako
Eusko Jaurlaritzaren bozeramaileak, Bingen Zupiria, azaldu du litekeena dela irailerako edo urrirako EAEren covid-19aren kontrako babes komunitario maila "oso altua" izatea, neguari "beste modu baten" eusteko modukoa. Horretarako, azpimarratu du garrantzitsua dela "uda ondo joatea", eta datozen hilabeteetan "bi tresna" oso presente izatea: maskara eta txertaketa.
Radio Euskadin emandako elkarrizketan, Gobernu zentralaren pandemiaren kudeaketari buruz ere aritu da Zupiria; Estatuak "autonomikoa dela ahaztu" duela azpimarratuz, eta, EAEren kasuan, "asimetrikoa dela" aintzat hartu gabe. Hala, aurten "Estatuaren ereduak porrot egin" duela salatu du Eusko Jaurlaritzaren ordezkariak.
Aurtengo udan iaz ez genituen bi tresna garrantzitsu daudela esan du Zupiriak; maskararen erabilera "orokortua" eta txertoak, "itxaropen handia" eragin dutenak.
Udazkenerako txertatzearen % 80a lortuko ote den itaunduta, Jaurlaritzaren ordezkariak adierazi du, oraingo erritmoari eutsiz gero, litekeena dela irailerako edo urrirako EAEk "babes komunitario oso altua" izatea.
Txertaketa prozesuaz ere aritu da Zupiria, "Europako erakundeetatik hasi eta osasun zentroetan bukatuta" eraginkorra izaten ari dela azalduz. Gainera, gazteen txertaketaren inguruko "plan zehatzik" ez dagoela argitu du.
"2021eko udarako, maskarak eta txertoak izango dira bidelagunik onenak osasun egoera honi aurre egiteko", adierazi du Zupiriak, iazko egoera epidemiologikoarekin alderaketa eginda.
Azkenik, nabarmendu du oraindik zuhurtziaz jokatzeko beharra dagoela, eta badagoela aukera "uda lasai eta ongi pasatzeko, baina deskuidatu gabe, eta beti zuhur ibilita".
Eurokopa, Bilbotik kanpo
Eurokoparen partidez galdetuta, Zupiriak esan du espainiar Gobernua ez dela "euskal erakundeekin oso eskuzabala" izan, eta salatu du Andaluziaren "jarduera turistikoarekin" emankorragoa izan dela, osasun egoera "bigarren mailan" utzita.
Eusko Jaurlaritzaren bozeramailearentzat, pandemiaren bilakaera ikusita, "zentzuzkoena" litzatekeela partidak Bilbon zein Sevillan izatea, publikorik gabe.
CONTENIDO NO ENCONTRADO
Zure interesekoa izan daiteke
8.000 hektarea kaltetu dira Huelvako sutean, eta 500 bizilagun inguru ebakuatu dituzte
Tirig (Castello) udalerrian ostiralean piztutako suak kontrolik gabe jarraitzen du, eta Cati herriko bizilagunak etxetik ateratzeko agindua eman du Generalitateak.
Eklipseek ikusmin handia piztu izan dute beti Euskal Herrian, baina segurtasunez ikusi behar dira
Orain mende bat ikusi zen azkenekoz eguzki eklipse oso bat Euskal Herrian. Zorionez, herritarren kontzientzia hobetu egin da. Eklipseak modu seguruan ikusteko betaurrekoak 1990eko hamarkadan agertu ziren.
Munduko bazterretatik etorri dira Euskadira, eklipsea ikustera
Estatu Batuetatik, Poloniatik, Herbehereetatik eta Alemaniatik, besteak beste, etorritako taldeek gure lurraldea aukeratu dute fenomenoa ikusteko.
Suhiltzaileek mendean hartu dute Elgeako mendilerroan piztutako baso sutea
Bart piztu dira garrak, ustez ekaitzaren ondorioz, tximista batek eragin duela uste baitute. Sutea kontrolpean hartu eta garrak itzali ondoren, suhiltzaileak gunea freskatzen geratu dira.
Bederatzi agentek kolpeak jaso dituzte igandean Araban eta Gipuzkoan izandako esku-hartzeetan
Segurtasun Sailak gertakariak gaitzetsi ditu, eta adierazi du "kezka handiz" ikusten duela poliziaren aurka indarkeria erabiltzea.
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.