Covid-19ak gazteengan duen intzidentzia altua aztertuko du Lurralde arteko Batzordeak

Valentziak etxeratze agindua ezarri du 32 herritan, transmisio altua eteten saiatzeko. Kataluniak ere mahai gainean du aukera. Etxeratze agindu orokor bat ezartzeko, baina, alarma egoera behar da.

Darias eta Iceta ministroak, aurreko bilera batean. Argazkia: EFE

Eider Garaikoetxea O. | EITB MEDIA

2021/07/14 - 13:04

Azken eguneratzea

2021/07/14 - 16:49

Espainiako Gobernuko eta autonomia erkidegoetako osasun arduradunek bilera dute gaur (16:00etan hasita) Lurralde arteko Osasun Batzordearen baitan izurriak gazteengan duen intzidentzia altua aztertzeko eta neurriak adosteko. Ingurumaria horretan, hainbat erkidegotan tokian tokiko etxeratze aginduak ezarri dituzte.

Horietako bat da Valentzia (464 kasu 100.000 biztanleko). Bertako Justizia Auzitegi Nagusiak 32 udalerritan etxeratze agindua ezartzeko baimena eman berri dio. Kantabriak ere 53 udalerritan ezarri nahi du gaueko mugikortasunaren debekua, baina epaileen babesa behar du oraindik.

Katalunian (Gironak eta Tarragonak 750 puntuko intzidentziak dituzte, eta Bartzelonak, 1.056koa), Generalitateko legelariek aukera hori baliatzeko argi berdea eman diote Pere Aragonesen gobernuari, beti ere tokian tokikoa bada. Nolanahi ere, justiziak baimendu behar du espresuki.

Izan ere, etxeratze agindu orokor bat (izan Estatu mailakoa zein erkidego batean bakarrik) indarrean jartzeko alarma egoera da beharrezkoa.

EAEn, LABI teknikoak bilera izan du "transmisio altuko" intzidentziari (346 puntu) erreparatzeko (halako zazpi da 17-18 urtekoen artean), baina beste adierazle batzuk bistatik galdu gabe (hala nola, ospitaleetako egoera edota txertaketa kanpaina). Ez da jakinarazi zer erabaki duten. Nafarroan (100.000 biztanleko 522 kasu), Foru Gobernuak asteroko bilera egin du, eta horren ostean, ez ditu neurri gehiago iragarri, ospitaleetako egoera hain kezkagarria ez dela argudiatuta.

Bien bitartean, iaz Espainiako Estatu osoan ezarri zen alarma egoera (lehenengoa) Konstituzioaren kontrakoa izan zela ebatzi du Auzitegi Konstituzionalak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Zure interesekoa izan daiteke

Giro ezin hobea Donostian, Behobia-Donostia dela eta

Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.

Egun osoko elkartasun eguna iragarri du Gernika-Palestinak

Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".

18:00 - 20:00

Artxibatu egin dute Nafarroako neska adingabe bat ustez "saldu" zutenen aurkako auzia

Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.

Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz

46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.

18:00 - 20:00

Ertzaintzak gizon bat atxilotu zuen atzo Bergaran, euroagindu bat betez

76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.

Horrela eragingo dio Behobia-Donostia lasterketak trafikoari

Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.

"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute

Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.

"Palestinarekin bat, konpromiso bat" ekimena aurkeztu dute, Gernika-Palestina sareak deituta

Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.

Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"

EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.

Hodi baten hausturak ur-hornidura arazoak eragin ditu Ezkerraldean

Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.