Hiru adineko hil dira Hego Euskal Herriko egoitzetan, bi Nafarroan eta beste bat Araban
Nafarroako adinekoen egoitzetan 28 positibo daude orain, hiru pertsona ospitaleetan, eta azken egunetan bi hildako eragin ditu covid-19ak. Gainera, Gasteizko Alberti Campus egoitza pribatuko egoiliar bat hil da. Duela astebete baieztatu zuten positiboa.
Beste hildakoa igandean izan zen Lizarrako San Jeronimo egoitzan, eta hirugarrena astelehenean Oliteko zentroan. Foru Erkidegoak ez zuen hildakorik zenbatzen adinekoen egoitzetan iragan otsailetik.
Hala ere, Mari Carmen Maeztu Nafarroako Eskubide Sozialen kontseilariak egoitzetan neurri berriak hartzea baztertu du oraingoz. Pandemiaren beste olatu batzuekin alderatuta, zentroen egoera "askoz hobea" dela adierazi du Maeztuk, "txertaketari esker eragina asko txikiagoa izan delako".
Bestalde, Ramiro Gonzalez Arabako ahaldun nagusiak prentsaurrekoan gogorarazi duenez, "iragan astean hildako pertsonaren egoeraren berri eman genuen; txertoa jaso zuen, baina aldez aurretik patologia larriak zituen".
Zentro berean beste bi pertsona kutsatu zirela jakitera eman du Gonzalezek, baina "sendatu egin dira; beraz, ez dago kasu aktiborik egoitzan".
Ahaldun nagusiak erantsi duenez, "Bernedoko egoitza pribatuan hiru positibo daude une honetan".
Gonzalezen esanetan, "txertoa jaso duten hiru pertsona dira, eta ez dute gaixotasunaren sintomarik. Ongi aurkitzen dira eta egoitzan daude". Baheketak egin ondoren, ez dute positibo berririk baieztatu egoiliarren edo langileen artean.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.