EAEko unibertsitateek erabateko presentzialtasuna berreskuratuko dute urriko lehen hamabostaldian
Euskal Autonomia Erkidegoko (EAE) unibertsitateek erabateko presentzialtasuna berreskuratuko dute urriko lehen hamabostaldian, Eusko Jaurlaritzako Hezkuntza Sailak jakitera eman duenez.
Jokin Bildarratz Hezkuntza sailburuak, ostiral honetan jakinarazi die Eva Ferreira EHUko errektoreari, Jose Maria Guibert Deustuko Unibertsitateko errektoreari eta Vicente Atxa Mondragon Unibertsitateko errektoreari EAEko unibertsitate-sisteman erabateko presentzialtasuna berreskuratu nahi dutela, arratsaldean egindako bilera telematikoan. Hain zuzen ere, urriaren lehen hamabostaldian erabateko presentzialtasuna berreskuratzea adostu dute.
Osasun Sailak eta Hezkuntza Sailak aste honetan aztertu dute koronabirusak eragindako pandemiaren bilakaera. Hala, kasuak nabarmen murriztu direla ikusita, EAEko unibertsitateetan ikasle guztien erabateko presentzialtasuna berreskuratu daitekeela ondorioztatu dute, unibertsitate bakoitzaren antolaketaren eta plangintzaren arabera eta "oraindik beharrezkoak diren segurtasun eta higiene-neurriei eutsiz betiere".
Hain zuzen ere, covid-19aren bilakaeran hobera egin ondoren eta txertaketa-kanpainan urrats garrantzitsuak eman ostean hartu dute erabakia. Horrenbestez, Eusko Jaurlaritzak eta euskal unibertsitate-sistemako hiru unibertsitateek ikasturte honetarako ezarri zuten helburu nagusia aurreratu ahal izan da.
Finkatutako egutegiari esker, besteak beste, euskal unibertsitate-sisteman erabateko presentzialtasuna lortzeko helburua irakasgai, titulazio, fakultate eta unibertsitate bakoitzaren egoera anitzetara egokitu daiteke, "osasun publikoko irizpideak esparru malgu batean betetzen direla ziurtatuz, zuzendaritza-taldeak, langileak eta ikasleak aurrez aurreko agertoki oso berri eta antsiatu horretara egokitu ahal izan daitezen".
Hala, mundu mailako pandemia oraindik gainditu ez dela jakinik, Unibertsitate eta Ikerketa Sailburuordetzak, hiru unibertsitateetako errektoreordeek eta Unibasq euskal unibertsitate-sistemaren kalitatearen agentziak osatutako lantaldeak 2020ko martxoan hasitako lanarekin jarraituko du, pandemiaren bilakaera eta horrek unibertsitatearen eremuan duen eragina koordinatuz eta monitorizatuz.
Bildarratz sailburuak eta hiru errektoreek ezarritako helburua lortzeko itxaropena dute, eta, aldi berean, euskal unibertsitate-sistema osatzen duten pertsona guztien "erabateko segurtasuna" bermatzeko lan egingo dutela ziurtatu dute.
Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.