EAEko Auzitegi Nagusiak astelehenean erabakiko du covid-19 pasaportea eskatzeko baimena eman ala ez
Euskal Autonomia Erkidegoko Justizia Auzitegi Nagusiak datorren astelehenean aztertuko du covid-19 pasaportea ezartzeko baimena ematen duen ala ez. Litekeena da erabakia astelehenean bertan hartzea.
Aisialdirako hainbat gune eta establezimendutan covid ziurtagiri digitala eskatzea derrigorrezkoa izatea nahi du Eusko Jaurlaritzak eta neurri hori ezartzeko baimena eskatu dio gaur EAEko Auzitegi Nagusiari.
Administraziorako auzien salan aurkeztu duen dokumentazioaren arabera, covid-19 pasaportea diskoteketan, dantzalekuetan, ikuskizundun dantzalekuetan, musika-tabernetan eta karaokeetan eskatu nahi dute.
Pub eta taberna bereziei dagokienez, ziurtagiria 22:00etatik aurrera eskatuko lukete. Era berean, neurri hori 50 pertsonatik gorako jantokiak dituzten jatetxeetan ezartzea aurresikusten dute.
Horrenbestez, establezimendu horietara sartzea eta bertan egotea, azken 14 egunetan covid-19ak eragindako kasu positiboen intzidentzia tasa metatua Euskal Autonomia Erkidego osoan 100.000 biztanleko 150 kasukoa edo gehiagokoa den bitartean, establezimenduko arduradunen kontrolaren mende egongo da, eta horiek kontrolatu beharko dute covid ziurtagiri digitalaren papera edo euskarri digitala erakustea.
Eusko Jaurlaritzako zerbitzu juridikoek auzitegian aurkeztutako dokumentazioan argudiatu dutenez, horrelako neurri bat beharrezkoa da birusaren transmisio komunitarioko olatu berri bat eteten laguntzeko eta herritar guztien txertaketa are gehiago sustatzeko. Era berean, uste dute oinarrizko eskubideetan, kasu honetan norbanakoen askatasunetan, beharrezkoa den eragina bizitzarako eta osasun publikorako oinarrizko eskubidearekin kontrajartzen dela, eta eskubide horrek ororen gainetik gailendu behar duela.
Halaber, kontuan hartu dute Auzitegi Gorenaren jurisprudentzia, kasu batzuetan oso antzeko neurriak bermatu baititu. Auzitegi honen doktrinaren arabera, datuak babesteko oinarrizko eskubideak ez du eraginik izango, lokalean sartzeko aurkeztutako dokumentazioa erakustea baino ez baitu aurreikusten, egiazkoa dela egiaztatzeko.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.