Mugimendu Feministak "indarkeria matxistarik gabeko bizitzak" aldarrikatu ditu emakume guztientzat
Milaka emakume atera dira kalera Euskal Herrian "indarkeria matxistarik gabeko bizitzak" aldarrikatzeko eta emakumeek jasaten dituzten indarkeria mota guztiak salatzeko.
Emakumeenganako Indarkeriaren Aurkako Nazioarteko Egunean, Euskal Herriko Mugimendu Feministak Baionan, Iruñean, Bilbon, Donostian eta Gasteizen burutu ditu manifestazio nagusiak, baina mobilizazioak beste hainbat udalerri eta eskualdetan ere izan dira.
Bilboko manifestazioa Jesusen Bihotza plazatik abiatu da, baina aurrez auzo ezberdinetatik ateratako zutabeak batu zaizkie. Ehunka lagun joan dira pankarta nagusiaren atzean eta, besteak beste, prostituzioa abolitzeko oihuak egin dituzte.
Indarkeria matxistari aurre egiteko eta beraien bizitzak salbatzeko bide bakarra "autodefentsa feminista" dela aldarrikatu dute eta emakumeei antolatzeko deia egin diete.
Aurten, eraso matxistak eta homofoboak ugaritu egin direla azpimarratuta, "behingoz indarkeria matxistarik gabe" bizi ahal izateko eskubidea aldarrikatu dute.
Emakumeen hilketak eta sexu-erasoak "izebergaren punta" direla ohartarazi dute: "Indarkeria matxista egiturazko arazoa da, botere harreman heteropatriarkalean, arrazistan eta klasistan oinarritutako sistema baten ondorioa baita".
Erakundeen bilkurak
Bestalde, Euskal Herriko erakunde nagusiek ere egin dituzte goizean zehar elkarretaratzeak. Eusko Legebiltzarrak geldialdia egin du eguerdian eta legebiltzarkide guztiak kalera atera dira indarkeria matxista salatzeko antolatu duten bilkuran parte hartzeko.
Nafarroako Gobernuko eta Parlamentuko ordezkariak Sarasate Pasealekuan Berdintasun Institutuak deitutako elkarretaratzean izan dira. Minutu bateko isilunea egin dute eta ekitaldiaren helburua emakumeek jasaten dituzten "indarkeria mota guztiak" salatzea izan dela azpimarratu du Eva Isturiz Nafarroako Berdintasun Institutuko zuzendariak.
Iruñeko Udaleko ordezkari politikoek udaletxe parean egin dute elkarretaratzea eta emakumeen eta nesken kontrako indarkeriak "milaka forma" dituela ohartarazi dute, "klase sozial eta kultura guztietan" ematen dela azpimarratuta.
Halaber, Donostia, Bilbo eta Gasteizko udalek Eudelen manifestua irakurri dute. Gaurko egunez indarkeria bikarioa bistaratu nahi izan dute, alegia, emakumeen aurka eta haien seme-alaben bidez gauzatzen den indarkeria.
Zure interesekoa izan daiteke
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.