Aurten 336 ikus-entzunezko aurkeztu dira Beldur Barik lehiaketara
Beldur Barik lehiaketaren aurtengo edizioa amaierara iristen ari da eta ostiral honetan jakinaraziko dituzte ikus-entzunezko irabazleak Agurainen egingo den Beldur Barik Topaketaren baitan. Pandemia tarteko sari banaketa telematikoa izango da eta eitb.eus-en zuzenean jarraituko ahalko da.
Emakundek, Eusko Jaurlaritzarekin, hiru foru aldundiekin eta Eudelekin elkarlanean antolatzen duen lehiaketa 12-26 urteko gazteei zuzendua dago, eta adierazpen artistikoak saritzen ditu. Neska-mutilek ezberdintasun egoerei Beldur Barik jarrerarekin nola egiten dieten aurre erakutsi behar dute; alegia, errespetua, parekidetasuna, askatasuna eta autonomia, elkarkidetza eta indarkeria sexista eta matxistaren bazterketa irmoa adierazten dituzten jarrerekin. Kultura matxista eta indarkeria sexistaren formak eraldatzeko konpromiso pertsonal eta kolektiboa islatu behar dute lanek.
Gaur goizean Aguraingo Harresi aretoan egin duten Beldur Barik Topaketaren aurkezpen ekitaldian Izaskun Landaina Emakundeko zuzendariak, Ainhoa Campo eta Miren Elgarresta Arabako eta Gipuzkoako Berdintasun diputatuek eta Ernesto Sainz Lanchares Aguraingo alkateak parte hartu dute.
Izaskun Landaida Emakundeko zuzendariak azaldu duenez, iaztik hona parte-hartzea bikoiztu egin da. Guztira, 400 ikus-entzunezko baino gehiago aurkeztu dira, gehienak ikastetxeetan eginak.
400 proiektu horietatik 336 sartu dira lehiaketan, horietako batzuek ez baitzituzten betetzen oinarrietan jasotako baldintza guztiak. Horietatik 100 proiektu 12 eta 13 urte bitartekoek eginak dira; 173, 14-18 urte bitartekoenak; eta 63, 19-26 urte artekoenak. Lurraldeka, 39 Arabakoak dira, 172 Bizkaikoak eta 125 Gipuzkoakoak.
Ikus-entzunezko lanetan jorratu dituzten gai nagusiak hauek dira: rol eta estereotipo sexistak, bikote barruko indarkeria matxista, kaleko jazarpena, emakumeen ahalduntzea eta berdintasunaren aldarrikapena.
Landaidak azpimarratu duenez, Beldur Barik programak gazteei tresnak eskaintzen dizkie beren harremanetan jarrera horiek antzeman ditzaten.
Miren Elgarrestak, bere aldetik, horrelako ekimenen eta hezkidetzaren bitartez gazteengana eta nerabeengana iristeko beharra azpimarratu du: "Ziurrenik hori izango da modurik eraginkorrena indarkeria sexista prebenitzeko eta egitura, rol eta estereotipo horiek desikasteko", gaineratu du.
Zure interesekoa izan daiteke
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.
Anderren heriotzaren gaineko erantzukizun polizialak eta politikoak argitzeko exijitu dute
Ekainaren 22an Santurtzin atxilotu eta bi egunera hil zen Ander 30 urteko gaztearen hilketa argitzeko zenbait herritarrek plataforma sortu dute. Santurtziko udaltzainek taser pistola batekin mendean hartu eta gero, ospitalean hil zen, koman egon ondoren. Ander “polizia indarkeriaren” biktima izan dela adierazi dute gaur.
12 dira hildakoak Los Gallardoseko sutean, Almerian, eta 23, desagertutakoak
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Gainera, zortzi pertsona zauritu dira, horietako lau larri daude.
Igandera arte luzatu dute beroagatik EAEn ezarritako alerta laranja
Meteofrancek alerta laranja ezarri du larunbatera arte Ipar Euskal Herrian, eta Aemetek alerta laranja aktibatuko du igandean, Nafarroa erdialdean.
2026ko Sanferminek jaien bigarren hasiera bizi dute 'Txupinazo Txiki' -arekin
Sanferminetako bosgarren jai egun honetan protagonismo nagusia haurrentzat da, aurten bereziki. Lehendabiziko aldiz beraientzat propio jaurti delako txupinazoa. Ohore hori Buztintxuri Lehen Hezkuntzako hiru ikaslek jaso dute. Gari Arregui, Ane Loizate eta Ivanna Jimenez izan dira aukeratuak.
Linea elektrikoko zutoin baten erorketa izan daiteke Almeriako sutearen jatorria
Sugarrak oso azkar hedatu dira, eta, ondorioz, hainbat herritarrek ihes egiteko erabili nahi zituzten bideak "sagu-zulo" bihurtu dira.
Itzali dute Oñatiko Aloña mendian piztutako baso sutea
Bart tximista batek piztu du sua eta guztira 0,7 hektarea kiskali dira.
Bederatzi pertsona harrapatu dituzte Bizkaian, gidabaimenaren azterketan kopiatzeko gailu elektronikoak erabiltzen
DGT Espainiako Trafiko Zuzendaritzak sei hilabetez azterketara aurkezteko debekua eta isun administratiboa ezarri die iruzurra egin nahi izan duten bederatzi pertsona horiei.
Alvaro Nuñezen zezenek zirrara eta abiadura jarri diote sanferminetako laugarren entzierroari
Zezenek 2 minutu eta 32 segundo behar izan dituzte ibilbidea egiteko. Guztira 9 pertsona zauritu dira, denak kolpeengatik.